Jannoo 22:24 - Yn Vible Casherick 1775 1819

²⁴ Hug yn ard-chaptan sarey eh dy ve er ny chur stiagh ’sy chashtal, goardaghey eh dy ve feyshtit liorish scuitchal, dy gheddyn fys cre’n-fa v’ad gyllaghey myr shen n’oï.

Yn Conaant Noa 1810

²⁴ Hug yn ard‐chaptan sarey eh dy ve er ny chur stiagh ’sy chashtal, goardaghey eh dy ve feyshtit liorish scuitchal, dy ghed‐kyn fys cre’n‐fa va’d gyllaghey myr shen n’oï.

Jannoo 22:24 ပူးပေါင်းရင်းမြစ်များ

Noo Ean 19:1

Eisht ghow Pilate er-y-fa shen Yeesey, as doardee eh eh dy ve scuitchit.

Jannoo 16:37

Agh dooyrt Paul roo, T’ad er nyn mwoalley dy foshlit ga dy nee Romanee shin, as neu-chyndagh, as er hilgey shin ayns pryssoon; as vel ad nish dyn eiyrt shin magh dy follit? shen red nagh jean; agh lhig daue hene cheet as shin y chur lhieu magh.

Jannoo 21:34

As deïe paart un red, as paart red elley mastey yn pobble: as tra nagh dod eh shickyrys y gheddyn kyndagh rish y voirraneys, doardee eh eh dy ve er ny chur ’sy chashtal.

Jannoo 21:37

As myr va Paul goll stiagh ayns y chashtal, dooyrt eh rish yn ard-chaptan, Voym kied loayrt rhyt? Dooyrt eshyn, Vod oo Greek y loayrt?

Jannoo 23:10

As myr va’n streeu mooadaghey, va’n ard-chaptan agglagh dy raipagh ad Paul ayns peeshyn, as doardee eh sidooryn dy gholl sheese, as dy ghoaill eh er niart veih nyn mast’ oc, as dy chur lhieu eh stiagh ayns y chashtal.

Jannoo 23:27

Va’n dooinney shoh goit ec ny Hewnyn, as myr v’ad er-chee dy varroo eh, haink mish lesh sheshaght dy hidooryn, as haue mee eh voue, tra hoig mee dy nee Romanagh v’eh.

Jannoo 28:18

As tra v’ad shoh er vriwnys my chooish, v’ad booiagh yn raad y lhiggey dou, er-y-fa nagh row oyr erbee baaish aynym.

Hebrewnee 11:35

Hooar mraane nyn merriu troggit gys bioys reesht: as feallagh elley v’er nyn dorchaghey, gyn jannoo soiagh jeh livrey-ys; dy voddagh ad irree-seose-reesht share y chosney.