Jannoo 22:14 - Yn Vible Casherick 1775 1819

¹⁴ As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer-cairagh shen y akin, as clashtyn coraa e veeal.

Yn Conaant Noa 1810

¹⁴ As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer‐cairagh shen y akin, as clashtyn coraa e veeal.

Jannoo 22:14 ပူးပေါင်းရင်းမြစ်များ

2 Reeaghyn 21:22

As hreig eh yn Chiarn, Jee e ayraghyn, as cha huill eh ayns raad y Chiarn.

1 Recortyssyn 12:17

As hie David magh nyn guail, as dreggyr eh, as dooyrt eh roo, My ta shiu er jeet hym dy sheeoil dy chooney lhiam, bee my chree sniemmit hiu: agh my ta shiu er jeet dy my vrah gys my noidyn, fakin nagh vel aggair ayns my laueyn, dy jean Jee nyn ayraghyn jeeaghyn er, as briwnys.

1 Recortyssyn 29:18

O Hiarn Yee Abraham, Isaac, as Israel, nyn ayraghyn, freill dy bragh yn aigney-mie shoh ayns smooinaghtyn creeaghyn dty phobble, as niartee nyn greeaghyn dy hirveish oo.

2 Recortyssyn 28:25

As ayns ooilley ard-valjyn Yudah ren eh ard-ynnydyn dy lostey incense da jeeghyn joarree, dy vrasnaghey yn Chiarn, Jee e ayraghyn.

2 Recortyssyn 30:19

Agh ghow Hezekiah padjer er nyn son, gra, Dy bee’n Chiarn mie myghinagh da dy chooilley unnane ta kiarail ayns ynrickys e chree dy hirrey Jee, yn Chiarn, Jee e ayraghyn, ga nagh vel eh er roshtyn gys slane glennid y leigh.

Ezra 7:27

Bannit dy row Chiarn Jee nyn ayraghyn, t’er choyrt lheid y red shoh ayns cree y ree, dy hoiaghey magh dy stoamey thie’n Chiarn, t’ayns Jerusalem.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Jeremiah 1:5

Roish my ren mee dty chummey ’sy volg bione dou uss; as my daink oo magh ass y vreïn ren mish oo y chasherickey; as doardee mee uss dy ve phadeyr da ny ashoonyn.

Daniel 2:23

Ta mee cur booise dhyt’s, as dy dty voylley, O uss Yee my ayraghyn, ta er choyrt dou creenaght as niart, as nish er hoilshaghey dou shen va shin dy yeearree ort: son t’ou nish er hoilshaghey dooin cooish y ree.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Jannoo 13:17

Ren Jee yn pobble shoh Israel ny ayraghyn ain y reih, as soiaghey mooar jeh’n pobble tra v’ad er nyn yoarreeaght ayns cheer Egypt, as lesh laue niartal hug eh lesh ad magh ass Egypt.

Jannoo 22:15

Son bee oo yn feanish echeysyn gys dy chooilley ghooinney, jeh ny t’ou er vakin as er chlashtyn.

Jannoo 22:18

As honnick mee eh, gra rhym, Jean siyr, as cosne royd er-y-chooyl ass Jerusalem: son cha jean ad soiaghey jeh’n eanish ayd’s my-mychione’s.

Jannoo 24:14

Agh shoh ta mee goaill-rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 26:16

Agh irree, as shass er dty chassyn: son ta mish er hoilshaghey mee hene dhyt er-yn-oyr shoh, dy yannoo oo dty hirveishagh as dty eanish, chammah jeh ny reddyn t’ou er vakin, as jeh ny reddyn shen ayndoo nee’m mee-hene y hoilshaghey dhyt;

Jannoo 5:30

Ta Jee ny hayraghyn ain er hroggal seose Yeesey, ren shiuish y varroo as y chroghey er billey.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

1 Corinthianee 11:23

Son ta mish er n’gheddyn veih’n Chiarn shen ta mee myrgeddin er livrey diuish, Dy ren y Chiarn Yeesey, yn oie cheddin ayn v’eh er ny vrah, arran y ghoaill:

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

1 Corinthianee 15:8

As er-jerrey ooilley v’eh er ny akin liorym’s neesht, myr liorish fer ruggyr ass traa cooie.

1 Corinthianee 9:1

Nagh nee ostyl mee? nagh vel mee ec my reamys hene? nagh vel mee er vakin Yeesey Creest nyn Jiarn? nagh nee shiuish yn obbyr aym’s ayns y Chiarn?

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 1:12

Son chamoo hooar mee eh voish dooinney, chamoo hie eh er ynsaghey dou, agh liorish ashlish Yeesey Creest.

Galatianee 1:15

Agh tra by-chooidsave lesh Jee, ren mish y reih veih breïn my vayrey, as deïe eh orrym liorish e ghrayse,

2 Timothy 1:1

Paul ostyl Yeesey Creest liorish aigney Yee, cordail rish gialdyn y vea, ayns Creest Yeesey;

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill-rish yn irriney, ta cordail rish craueeaght:

1 Peddyr 2:22

Eh nagh ren peccah, chamoo va molteyraght er ny gheddyn ayns e veeal:

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer-cairagh: