Jannoo 21:30 - Yn Vible Casherick 1775 1819

³⁰ As va ooilley yn ard-valley ayns anvea, as roie yn pobble dy cheilley: as ghow ad Paul, as hayrn ad eh magh ass y chiamble; as chelleeragh va ny dorryssyn dooint.

Yn Conaant Noa 1810

³⁰ As va ooilley yn ard‐valley ayns anvea, roie yn pobble dy cheilley: as ghow ad Paul, as hayrn ad eh magh ass y chiamble; as chelleeragh va ny dorryssyn dooint.

Jannoo 21:30 ပူးပေါင်းရင်းမြစ်များ

2 Reeaghyn 11:15

Agh hug Jehoiada yn saggyrt sarey da ny captanyn-keead, as leeideilee’n cheshaght-chaggee, as dooyrt eh roo, Magh lh’ee cheu-mooie jeh ny rankyn; as eshyn eiyrys urree, marr-jee lesh y chliwe. Son va’n saggyrt er ghra, Ny lhig j’ee v’er ny varroo ayns thie’n Chiarn.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Noo Mian 21:10

As tra v’eh er jeet gys Jerusalem, va ooilley yn ard-valley ayns anvea, gra, Quoi eh shoh?

Noo Luke 4:29

As dirree ad, as deiyr ad eh magh ass yn ard-valley, as hug ad lhieu eh gys broogh yn chronk (er va’n ard-valley oc troggit) ry-hoi tilgey sheese eh gour e vullee.

Jannoo 19:29

As va ooilley yn ard-valley bun-ry-skyn: as erreish daue v’er ghoaill Gaius as Aristarchus, Macedonianee, sheshaghyn troailtee Phaul, ying ad stiagh ooilley dy cheilley ayns y theater.

Jannoo 26:21

Son ny oyryn shoh haare ny Hewnyn mee ayns y chiamble, as ghow ad ayns laue dy my varroo.

2 Corinthianee 11:26

Ayns jurnaaghyn dy mennick ayns gaue ushtaghyn, ayns gaue roosteyryn, ayns gaue veih my gheiney-cheerey hene, ayns gaue veih ny Ashoonyn-quaagh, ayns gaue ’syn ard-valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;