Jannoo 21:16 - Yn Vible Casherick 1775 1819

¹⁶ Hie mârin myrgeddin paart jeh Creesteenyn Cesarea, as hug ad lhieu shin gys dooinney enmyssit Mnason, veih Cyprus, shenn Chreestee, mârishyn va shin dy ghoaill aaght.

Yn Conaant Noa 1810

¹⁶ Hie mârin myrgeddin paart jeh Creesteenyn Cesarea, as hug ad lhieu shin gys dooinney enmyssit Mnason, veih Cyprus, shenn Chreestee, mârishyn va shin dy ghoaill aaght.

Jannoo 21:16 ပူးပေါင်းရင်းမြစ်များ

Psalmyn 92:14

Dy vod ad soilshaghey cre cha firrinagh as ta’n Chiarn my niart: as nagh vel veg y neu-ynrickys aynsyn.

Raaghyn Creeney 16:31

Ta’n kione lheeah attey dy ghloyr, my te ry-gheddyn ayns raad yn ynrickys.

Jannoo 10:24

As yn laa er-giyn haink ad gys Cesarea: as va Cornelius fieau orroo, as v’eh er n’eamagh er e gheiney-mooinjerey cooidjagh, as e reih caarjyn.

Jannoo 10:48

As doardee eh ad dy v’er nyn mashtey ayns ennym y Chiarn. Eisht ghuee ad er dy uirriaght shiartanse dy laghyn.

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 15:39

As dirree lheid y streeu shen eddyr ad, dy scarr ad ry-cheilley: as hug Barnabas lesh Mark, as ghow eh lhuingys gys Cyprus.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er-dy-henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 21:8

As yn nah laa, jimmee shinyn va jeh sheshaght Phaul roïn, as haink shin gys Cesarea; as hie shin stiagh ayns thie Philip yn sushtallagh (va fer jeh’n chiaght) as duirree shin mârish.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Jannoo 8:40

Agh va Philip er ny gheddyn ec Azotus, as goll er e hoshiaght ren eh yn sushtal y phreacheil ayns ooilley ny ard-valjyn, derrey haink eh gys Cesarea.

Romanee 16:7

Bannee-jee Andronicus as Junia my gheiney-mooinjerey as my heshaghyn-pryssoonee, ta jeh goo ooasle mastey ny ostyllyn, va myrgeddin ayns Creest roym’s.

Philemon 1:9

Ny-yeih er graih ainjys [Creestee] ta mee goaill myr reih dy yannoo aghin hood’s, mish Paul ta my henn ghooinney, as nish myrgeddin pryssoonagh Yeesey Creest.