Jannoo 20:6 - Yn Vible Casherick 1775 1819

⁶ As hiauill shin veih Philippi lurg feailley ny Caisht, as haink shin huc gys Troas ayns queig laa, as duirree shin ayns shen shiaght laa.

Yn Conaant Noa 1810

⁶ As hiauiail shin veih Philippi lurg feailley ny Caisht, as haink shin huc gys Troas ayns queig laa, as duirree shin ayns shen shiaght laa.

Jannoo 20:6 ပူးပေါင်းရင်းမြစ်များ

Exodus 23:15

Nee oo freayll feailley’n arran gyn soorit: nee oo gee arran gyn soorit shiaght laa, myr ren mee dty harey, er y traa pointit, ’sy vee Abib: son er haink oo magh ass Egypt; cha jig unnane my enish lesh laue follym.

Exodus 34:18

Feailley ny caisht nee oo freayll: rish shiaght laa nee oo gee arran gyn soorit, ayns imbagh y vee Abib, myr ren mee dty harey: son ayns mee Abib haink oo magh ass Egypt.

Jannoo 12:3

As er-y-fa dy dug eh tastey dy by-haittin lesh ny Hewnyn shen, hie eh ny-sodjey er e hoshiaght dy ghoaill Peddyr neesht. (Va shen rish feailley ny Caisht).

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 16:12

As veih shen gys Philippi, yn reih ard-valley v’ayns yn ayrn shen jeh Macedonia, as bentyn gys y Raue: as duirree shin ayns yn ard-valley shen shiartanse dy laghyn.

Jannoo 16:8

Myr shen hie ad shaghey Mysia, as haink ad neose gys Troas.

Jannoo 20:16

Son va Paul kiarit dy hiaulley shaghey Ephesus, er-y-fa nagh row eh booiagh yn traa y vaarail ayns Asia; son v’eh ayns preish siyr, er dy chooilley chor dy ve ec Jerusalem er laa ny Kingeesh.

Jannoo 20:5

Hie ad shoh roïn, as duirree ad er nyn son ec Troas.

Jannoo 21:4

As son dy dooar shin Creesteenyn ayns shen, duirree shin mâroo shiaght laa: as choyrlee ad Paul trooid y Spyrryd, gyn eh dy gholl seose gys Jerusalem.

Jannoo 21:8

As yn nah laa, jimmee shinyn va jeh sheshaght Phaul roïn, as haink shin gys Cesarea; as hie shin stiagh ayns thie Philip yn sushtallagh (va fer jeh’n chiaght) as duirree shin mârish.

Jannoo 28:14

Ayns shen hooar shin braaraghyn, as yeearree ad orrin dy uirriaght mâroo shiaght laa: as shen myr hie shin son y Raue.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y [Jee ain, dy phreacheil diu sushtal] Yee lesh lane streeu.

2 Timothy 4:13

Yn cloagey daag mee ec Troas marish Carpus, tra hig oo, lhiat mayrt eh, as ny lioaryn, agh erskyn ooilley ny craitnyn scruit.