Jannoo 2:9 - Yn Vible Casherick 1775 1819

⁹ Parthianee, as Medeyn, as Elamiteyn, as cummaltee Vesopotamia, as Judea, as Cappadocia, Pontus as Asia,

Yn Conaant Noa 1810

⁹ Parthianee, as Medeyn, as Elamiteyn, as cummaltee Vesopotamia, as Judea, as Cappadocia, Pontus as Asia,

Jannoo 2:9 ပူးပေါင်းရင်းမြစ်များ

Genesis 10:22

Cloan Shem; Elam, as Ashur, as Arphaxad, as Lud, as Aram.

Genesis 14:1

As haink eh gy-kione, rish lhing Amraphel ree Shinar, Arioch ree Ellasar, Chedorlaomer ree Elam, as Tidal ree ashoonee.

Genesis 24:10

As ghow yn stiurt jeih camelyn, jeh camelyn e vainshtyr, as jimmee eh roish, [Son va ooilley chooid e vainshtyr fo e laue] as dirree eh, as hie eh gys Mesopotamia, gys ard-valley Nahor.

2 Reeaghyn 17:6

Ayns y nuyoo vleïn jeh Hoshea, ghow ree Assyria Samaria, as hug eh lesh Israel ersooyl gys Assyria, as ad y hoiaghey ayns Halah, as ayns Habor liorish awin Gozan, as ayns ard-valjyn ny Medeyn.

1 Recortyssyn 19:6

As tra dennee cloan Ammon dy row ad dy mooar er vrasnaghey David, hug Hanun as cloan Ammon thousane talent dy argid dy ailley daue fainee as markee veih Mesopotamia, as veih Syria-maachah, as veih Zobah.

Ezra 6:2

As va lioar er ny gheddyn, ec Achmetha, ayns y phlaase t’ayns cheer ny Medeyn, as ayn va’n recort shoh scruit:

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Isaiah 21:2

Ta ashlish feiyjagh er ny hoilshaghey dou; Ta’n molteyr hene er ny volley, as ta’n spooilleyder er ny spooilley. Seose lhiat, O Elam: chion stiagh [Babylon], O Vedia: ooilley ny osnaghyn v’eck by-chyndagh roo ta mee er chur dy fea.

Daniel 5:28

PERES, ta dty reeriaght er ny rheynn, as er ny choyrt da ny Medeyn as ny Persianee.

Daniel 8:2

As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Daniel 8:20

Yn rea, honnick oo lesh daa eairk, t’ad reeaghyn Vedia as Phersia.

Jannoo 16:6

Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Jannoo 18:2

Raad hooar eh Hew dy row enmyssit Aquila, ruggyr ayns Pontus, va er ny laghyn shen er jeet veih Italy, as e ven Priscilla mârish (er-yn-oyr dy row Claudius er harey ooilley ny Hewnyn dy gholl ass y Raue) as ghow eh aaght mâroo.

Jannoo 19:10

As shoh chum eh jannoo choud as daa vleïn; myr shen dy ren ooilley cummaltee Asia clashtyn goo yn Chiarn Yeesey; chammah ny Hewnyn as ny Ashoonee.

Jannoo 19:27

Myr shen dy vel, cha nee ny-lomarcan yn cheird shoh ain ayns dangeyr dy ve mee-lowit; agh myrgeddin chiamble yn ven-jee vooar Diana dy ve beg soit jeh, as yn ard-ooashley eck dy ve er ny stroie, jeeish ta ooilley Asia as y seihll cur ooashley.

Jannoo 19:31

As hug shiartanse jeh ard-gheiney Asia, va ny caarjyn echey, fys huggey, geearree gyn eh dy hreishteil eh-hene ayns y theater.

Jannoo 2:8

As kys dy vel shin clashtyn dy chooilley ghooinney loayrt ayns chengey ny mayrey ain hene?

Jannoo 20:16

Son va Paul kiarit dy hiaulley shaghey Ephesus, er-y-fa nagh row eh booiagh yn traa y vaarail ayns Asia; son v’eh ayns preish siyr, er dy chooilley chor dy ve ec Jerusalem er laa ny Kingeesh.

Jannoo 20:18

As tra v’ad er jeet huggey, dooyrt eh roo, Ta fys eu, er-dyn chied laa haink mish gys Asia, kys ta mee er n’ymmyrkey mee-hene ny mast’ eu ee dy chooilley earish,

Jannoo 20:4

As hie ayns sheshaght mârish gys Asia, Sopater dy Verea, as jeh ny Thessalonianee, Aristarchus as Secundus; as Gaius veih Derbe, as Timothy; as veih Asia, Tychicus as Trophimus.

Jannoo 21:27

As tra va ny shiaght laa faggys ec kione, ghreinnee ny Hewnyn va veih Asia ooilley yn pobble, tra honnick ad eh ayns y chiamble, as ghreimm ad eh,

Jannoo 24:18

Er shoh hooar shiartanse dy Hewnyn veih Asia mee glen ayns y chiamble, agh cha nee lesh chymsaghey sleih, ny boirraneys:

Jannoo 27:2

As goll er-board lhong veih Adramyttium, hie shin magh son y cheayn, kiarail shiaulley rish coastyn Asia, as va Aristarchus, Macedonian veih Thessalonica mârin.

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 7:2

As dooyrt eshyn, Gheiney, vraaraghyn, as ayraghyn, eaisht-jee, Ren Jee ny ghloyr eh-hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Romanee 16:5

Bannee-jee myrgeddin ny Creesteenyn t’ayns y thie oc. Bannee-jee my charrey graihagh Epenetus, yn chied-vess dy Chreest ayns Achaia.

1 Corinthianee 16:19

Ta kialteenyn Asia dyn mannaghey shiu. Ta Aquila as Priscilla dyn mannaghey shiu dy jeean ayns y Chiarn, marish y cheshaght Chreestee ayns y lught-thie oc.

2 Corinthianee 1:8

Son cha baill-lhien, vraaraghyn, dy beagh eh gyn-yss diu cre’n seaghyn haink orrin ayns Asia, dy row shin laadit ass towse erskyn nyn niart, ayns wheesh as nagh row veg y jerkal ain dy heet jeh lesh nyn mioys:

Deuteronomy 23:4

Son nagh daink ad nyn guail er y raad lesh arran as ushtey, tra haink shiu magh ass Egypt, as son dy ren ad failley dt’oï Balaam mac Beor jeh Pethor ayns Mesopotamia, dy ghwee mollaght ort.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn ta, as va, as ta ry-heet: as veih ny shiaght spyrrydyn ta kiongoyrt rish e stoyl-reeoil.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.