Jannoo 2:5 - Yn Vible Casherick 1775 1819

⁵ As va cummal ec Jerusalem, Hewnyn, deiney crauee, veih dagh ashoon er feaï-ny-cruinney.

Yn Conaant Noa 1810

⁵ As va cummal ec Jerusalem, Hewnyn, deiney crauee, veih dagh ashoon er feaï ny cruinney.

Jannoo 2:5 ပူးပေါင်းရင်းမြစ်များ

Exodus 23:16

As feailley ny fouyr, yn chied-vess jeh dty laboraght, t’ou er chuirr ’sy vagher: as feailley yn chur-stiagh, ta jerrey ny bleeaney, tra t’ou er choyrt stiagh dty hroar ass y vagher.

Isaiah 66:18

Son shione dou ny obbraghyn as ny smooinaghtyn oc: hig eh gy-kione, dy jean-yms chaglym dy chooilley ashoon as glare; as hig ad, as ver ad my-ner my ghloyr.

Zechariah 8:18

As haink goo Chiarn ny flaunyssee hym’s, gra,

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Luke 17:24

Son myr ta’n tendreil soilshean veih ard dy ard fo yn aer: myr shen myrgeddin vees Mac y dooinney ayns y laa echeysyn.

Noo Luke 2:25

As cur-my-ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Noo Luke 24:18

As dreggyr fer jeu, va’n ennym echey Cleopas, as dooyrt eh rish, Vel uss agh joarree ayns Jerusalem, as gyn fys ayd er ny reddyn t’ayns shen er jeet gy-kione er ny laghyn shoh?

Noo Ean 12:20

As va shiartanse dy Ghreekyn nyn mast’ oc, v’er jeet seose dy chur ooashley ec y feailley:

Jannoo 10:2

Dooinney crauee, as baghey ayns aggle Yee, eh-hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 10:7

As tra va’n ainle loayr rish Cornelius er gholl roish, deïe eh er jees jeh ny fir-vooinjerey echey as er sidoor crauee jeusyn va dy kinjagh mygeayrt-y-mysh:

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 22:12

As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 8:2

As hrog deiney crauee lhieu Steaon dy oanluckey eh, as ren ad dobberan hrimshagh harrish.

Jannoo 8:27

As hrog eh er, as jimmee eh: as cur-my-ner dooinney jeh Ethiopia, ny eunuch, as ayns ard-oik fo Candace ben-reïn ny Ethiopianee, fo’n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

Deuteronomy 2:25

Yn laa jiu neem’s toshiaght dy choyrt yn atchim, as yn aggle jeed’s, er dy chooilley ashoon fo niau nee clashtyn goo jeed, as bee ad er-creau, as ayns angaish kyndagh rhyt.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.