Jannoo 2:46 - Yn Vible Casherick 1775 1819

⁴⁶ As taaghey yn chiamble gagh laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Yn Conaant Noa 1810

⁴⁶ As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 2:46 ပူးပေါင်းရင်းမြစ်များ

Nehemiah 8:10

Eisht dooyrt eh roo, Immee-jee reue, ee-jee, as iu-jee jeh’n chooid share, as cur-jee ayrn hucsyn ta ayns feme: son ta’n laa shoh casherick gys y Chiarn: chamoo bee-jee trimshagh, son ta boggey’n Chiarn yn niart euish.

Psalmyn 86:11

Ynsee dooys dty raad, O Hiarn, as nee’m gimmeeaght ayns dt’irriney: O jean my chree y sniemmey hood, dy voddym aggle y ghoaill roish dt’Ennym.

Ecclesiastes 9:7

Immee royd, ee dty arran lesh boggey, as iu dty eeyn lesh cree gennal, son ta Jee nish jannoo soiagh jeh dty obbraghyn.

Noo Mian 6:22

Ta yn tooill soilshey yn chorp: shen-y-fa my ta’n tooill gyn foill, bee soilshey ec ooilley dty chorp.

Noo Luke 11:41

Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

Noo Luke 24:30

As haink eh gy-kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 24:53

As v’ad kinjagh ayns y chiamble, cur moylley as gloyr da Jee. Amen.

Jannoo 16:34

As tra v’eh er chur lesh ad stiagh ayns e hie, hoie eh bee rhymboo, as ghow eh-hene as ooilley e hie boggey, as chred ad ayns Jee.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa-ny-vairagh, chum eh seose loayrt derrey mean-oie.

Jannoo 3:1

Nish hie Peddyr as Ean seose cooidjagh gys y chiamble, ec oor y phadjer, ta shen, yn nuyoo oor.

Jannoo 5:21

As tra cheayll ad shen, hie ad stiagh dy moghey ayns y chiamble, as dynsee ad. Agh haink yn ard-saggyrt as adsyn va mârish, as sumnee ad yn whuaiyl cooidjagh, as ooilley shanstyr cloan Israel, as hug ad fys gys y phryssoon dy chur ad stiagh kionfenish.

Jannoo 5:42

As gagh laa ayns y chiamble, as veih thie dy thie cha scuirr ad dy ynsaghey as dy phreacheil Yeesey Creest.

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 11:3

Agh ta aggle orrym, myr ren yn ard-nieu Aue y volley liorish e chialgyn, myr shen dy beagh ny aignaghyn euish liorish saaseyn erbee er nyn gleaynaghey veih’n ônid shen t’ayns Creest.

Ephesianee 6:5

Shiuish harvaantyn, bee-jee biallagh dauesyn ta nyn mainshteryn cordail rish yn eill, lesh aggle as arrym, ayns ynrickys cree, myr da Creest:

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Deuteronomy 12:7

As ayns shen nee shiu gee kiongoyrt rish y Chiarn y Jee eu, as nee shiu boggey ’ghoaill ayns ooilley ny ta shiu coyrt nyn laue huggey, shiu hene as y vooinjer eu, lesh shen ta’n Chiarn dty Yee er dty vannaghey.

Deuteronomy 16:11

As nee oo boggey ’ghoaill kiongoyrt rish y Chiarn dty Yee, uss, as dty vac, as dty inneen, as dty er-mooinjerey, ad dty inney-veyl, as y Levite t’er cheu-sthie jeh dty yiattyn, as y joarree, as y lhiannoo gyn ayr, as y ven-treoghe ta ny mast’ eu, ’syn ynnyd nee’n Chiarn dty Yee y reih dy choyrt e ennym ayn.

Colossianee 3:22

Harvaantyn, bee-jee biallagh ayns dy chooilley nhee da nyn mainshteryn seihltagh; cha nee lesh shirveish-sooilley, myr dy wooiys deiney, agh ayns firrinys cree, goaill aggle roish Jee: