Jannoo 2:25 - Yn Vible Casherick 1775 1819

²⁵ Son ta David loayrt jeh, gra, Ta mee er hoiaghey Jee kinjagh kiongoyrt rhym; son t’eh er my laue yesh dy my reayll veih tuittym.

Yn Conaant Noa 1810

²⁵ Son ta David loayrt jeh, gra, Ta mee er hoiaghey Jee kinjagh kiongoyrt rhym; son t’eh er my laue‐yesh dy my reayll veih tuittym.

Jannoo 2:25 ပူးပေါင်းရင်းမြစ်များ

Psalmyn 110:5

Nee’n Chiarn er dty laue yesh: eer reeaghyn y chur mow ayns laa e yymmoose.

Psalmyn 21:7

As cre’n-fa? son dy vel y Ree coyrt e hreishteil ayns y Chiarn: as ayns myghin yn Er smoo syrjey cha bee eh er ny scughey.

Psalmyn 30:6

Ayns my staydoilys dooyrt mee, Cha bee’m dy bragh er my scughey: t’ou uss, Hiarn, jeh dty vieys, er n’yannoo my chronk cha lajer.

Psalmyn 62:2

Eshyn dy feer my niart as my haualtys: eshyn my endeil, myr shen nagh bee my lhieggey mooar.

Psalmyn 62:6

Eshyn dy firrinagh my niart as my haualtys: eshyn my endeilagh, myr shen nagh duittym.

Psalmyn 73:23

Nee oo m’y leeideil lesh dty choyrle: as ny lurg m’y ghoaill gys gloyr.

Isaiah 41:13

Son mish y Chiarn dty Yee nee dty laue yesh y niartaghey, gra rhyt, Ny bee aggle ort; coon-yms lhiat.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Ean 16:32

Cur-my-ner ta’n oor cheet, as eer nish er jeet, dy bee shiu er nyn skeayley dy chooilley ghooinney gys e ynnyd hene, as dy vaag shiu mish my-lomarcan: as foast cha vel mee my-lomarcan, er-y-fa dy vel yn Ayr mârym.

Jannoo 2:26

Shen-y-fa va boggey er my chree, as gennallys er my hengey: as ny sodjey foast, nee my chorp fea y ghoaill ayns treishteil.