Jannoo 2:2 - Yn Vible Casherick 1775 1819

² As haink doaltattym veih niau feiyr myr dy gheay heidee lajer, as lhieen eh ooilley yn thie raad v’ad nyn soie.

Yn Conaant Noa 1810

² As haink doaltattym veih niau feiyr myr dy gheay heidee lajer, as lhieen eh ooilley yn thie raad v’ad nyn soie.

Jannoo 2:2 ပူးပေါင်းရင်းမြစ်များ

1 Reeaghyn 19:11

As dooyrt eh, Tar magh, as shass er y chronk kiongoyrt rish y Chiarn. As cur-my-ner, hie’n Chiarn shaghey, as ren geay vooar cassee as lajer raipey ny sleityn, as scoltey ayns peeshyn ny creggyn kiongoyrt rish y Chiarn; agh cha row’n Chiarn ’sy gheay shen: as lurg yn gheay craa-hallooin; agh cha row yn Chiarn ’sy chraa-hallooin:

Psalmyn 18:10

Varkee eh er ny Cherubim, as ren eh getlagh: haink eh getlagh er skianyn ny geayee.

Arrane Solomon 4:16

Gow fea, O gheay-jiass, agh dooisht, O gheay-twoaie, as tar magh, sheid er my gharey dy vod ny spiceyn blaaghey: lhig da my ghraih cheet gys e gharey hene, as gee jeh ny messyn s’taitnyssagh.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Noo Luke 2:13

As ayns y tullogh va marish yn ainle ymmodee jeh’n cheshaght flaunyssagh cur moylley da Jee, as gra,

Noo Ean 3:8

Ta’n gheay sheidey raad saillee, as t’ou clashtyn y sheean eck, agh cha s’ayd cre voish t’ee cheet, ny cre’n raad t’ee goll: myr shen ta dy chooilley unnane t’er ny ruggey jeh’n Spyrryd.

Jannoo 2:3

As honnick ad chengaghyn skeilt, myr aile, as hoie eh er dagh unnane oc.

Jannoo 2:6

Nish tra hie yn skeeal jeh shoh magh, haink y pobble cooidjagh, as v’ad fo atchim erskyn-towse, er-yn-oyr dy row dy chooilley ghooinney clashtyn ad loayrt ayns glare e ghooie hene.

Jannoo 4:31

As erreish daue v’er ghoaill padjer, chrie yn boayl raad v’ad er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.