Jannoo 19:9 - Yn Vible Casherick 1775 1819

⁹ Agh tra daase shiartanse jeu roonagh, as mee-chredjuagh, loayrt dy lunagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Yn Conaant Noa 1810

⁹ Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 19:9 ပူးပေါင်းရင်းမြစ်များ

2 Reeaghyn 17:14

Ny-yeih, cha n’eaishtagh ad, agh v’ad creoi-wannallagh, myr va nyn ayraghyn, nagh ren credjal ayns y Chiarn y Jee oc.

2 Recortyssyn 30:8

Nish ny bee-jee creoi-wannallagh, myr va nyn ayraghyn agh livrey-jee shiu hene seose gys y Chiarn, as tar-jee gys yn ynnyd, t’eh er chasherickey son dy bragh: as shirveish-jee yn Chiarn y Jee eu, dy vod eulys e chorree chyndaa ersooyl veue.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Nehemiah 9:29

As dymmyrk oo feanish nyn ’oï, dy hyndaa ad reesht gys dty leigh: foast ren ad gymmyrkey ad-hene dy mooaralagh, as cha deaisht ad rish dty annaghyn, agh ren ad peccah noi dty vriwnyssyn (ad my nee dooinney ’chooilleeney, bee eh bio lioroo) as hyndaa ad back nyn geayltyn, as chreoi ad nyn mwannal, as cha bailloo clashtyn.

Psalmyn 95:8

Jiu my nee shiu clashtyn e choraa, ny creoi-jee nyn greeaghyn: myr ayns y vrasnagh, as ayns laa yn violagh ayns yn aasagh;

Raaghyn Creeney 8:34

S’maynrey’n dooinney, ta dy my chlashtyn, ta er e arrey gagh laa ec my yiattyn, farkiaght ec essynyn my ghorrys.

Isaiah 8:14

As bee eh diuish son coadey casherick; agh son clagh-snapperal, as son creg vees oyr tuittym, gys daa hie Israel; son sniem, as son ribbey, da cummaltee Yerusalem.

Jeremiah 19:15

Myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam er yn ard-valley shoh, as er ooilley e baljyn, ooilley yn olk ta mee er n’ockley magh noi eck; er-yn-oyr dy vel ad er chreoghey nyn mwannal noi geaishtagh rish my ghoan’s.

Jeremiah 7:26

Ny-yeih cha n’eaishtagh ad rhym, ny croymmey nyn gleaysh, agh ren ad nyn mwannal y chreoghey: ren ad ny smessey na nyn ayraghyn.

Noo Mian 15:14

Lhig-jee daue: she leeideilee doal ad ta kione y vooinjer ghoal. As my ta’n doal shooyl kione y doal, tuittee ad ny-neesht ayns y jeeg.

Noo Mian 16:4

She drogh heeloghe as neu-ghooghyssagh ta shirrey cowrey, as cha bee cowrey er ny chur daue, agh cowrey yn adeyr Jonas. As daag eh ad, as jimmee eh roish.

Noo Mian 26:55

Ayns yn oor cheddin dooyrt Yeesey rish y pobble, Vel shiu er jeet magh myr noi maarliagh, lesh cliwenyn as luirg dy my ghoaill? hoie mee mêriu gagh laa gynsaghey ayns y chiamble, as cha ren shiu my ghoaill.

Noo Ean 12:40

T’eh er lhiggey lhieu dolley ny sooillyn oc, as creoghey nyn gree; nagh vaikagh ad lesh nyn sooillyn, as nagh doiggagh ad lesh nyn gree, dy beagh ad er nyn jyndaa, as dy jinnin ad y lheihys.

Jannoo 11:26

As haink eh gy-kione, dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 14:4

Agh va sleih yn ard-valley noi-ry-hoi: as va ayrn jeu goaill paart ny Hewnyn, as ayrn elley paart ny hostyllyn.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 19:23

As ec y traa cheddin cha nee yn beggan boirey dirree mychione y chredjue shen.

Jannoo 19:30

As tra baillish Paul goll stiagh gys y pobble, cha lhiggagh ny Creesteenyn da.

Jannoo 20:31

Bee-jee er-y-fa shen er nyn arrey, as cooinee-jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 22:4

As ren mee tranlaase er y chredjue shoh gys y baase, kiangley as livrey gys pryssoonyn chammah deiney as mraane.

Jannoo 24:21

Mannagh row eh son yn un choraa shoh hrog mee, tra hass mee ny mast’ oc, Mychione irree-seose-reesht ny merriu ta mee jiu er my vriwnys lieriu.

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Jannoo 7:51

Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Jannoo 9:2

As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Romanee 11:7

Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

Romanee 9:18

Shen-y-fa t’eh myghinagh, dasyn saillish ve myghinagh, as eshyn saillish, t’eh dy chreoghey.

1 Corinthianee 16:9

Son ta dorrys mooar as vondeishagh er ny osley roym, as ta ymmodee dy hassoo magh m’oï.

1 Timothy 6:5

Pleadeilyn camlaagagh deiney dy aignaghyn neu-ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jeean coyrlaghey lesh dy chooilley veenid as ynsagh.

Hebrewnee 3:13

Agh coyrlee-jee y cheilley gagh laa, choud as te enmyssit, Yn laa jiu: er-aggle dy bee veg eu er nyn greoghey liorish molteyrys peccah.

2 Peddyr 2:12

Agh ad shoh, myr beïyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu-ghlennid oc hene:

2 Peddyr 2:2

As eiyree ymmodee da ny raaidyn mollaghtagh oc, kyndagh roosyn bee raad yn irriney er ny oltooaney.

Jude 1:10

Agh t’ad shoh loayrt dy olkyssagh jeh ny reddyn shen nagh vel ad dy hoiggal: agh shen ny t’ad toiggal dy dooghyssagh, myr beïyn gyn resoon; ayndoo shen t’ad stroie ad-hene.