Jannoo 18:6 - Yn Vible Casherick 1775 1819

⁶ Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

Yn Conaant Noa 1810

⁶ Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu‐chyndagh: veih shoh magh hem roym gys ny Ashoonee.

Jannoo 18:6 ပူးပေါင်းရင်းမြစ်များ

2 Samuel 1:16

As dooyrt David rish, Dty uill dy row er dty chione hene: son ta dty veeal er n’ymmyrkey feanish dt’oï, gra, Ta mee er varroo fer-ooilit y Chiarn.

1 Reeaghyn 2:33

Nee’n uill oc, er-y-fa shen, chyndaa er kione Yoab, as er king e luight son dy bragh: agh ec David, as e luight, as e hie, as e stoyl-reeoil, vees shee er son dy bragh veih’n Chiarn.

Nehemiah 5:13

Eisht chrie mee my aght, as dooyrt mee, Er yn aght cheddin, dy grie Jee dy chooilley ghooinney veih e hie, as veih e chooid, nagh vel cooilleeney shoh e yialdyn; dy bee eh eer myr shoh criht magh as folmit. As dreggyr ooilley’n pobble, Amen, as hug ad moylley da’n Chiarn. As ren y pobble cordail rish y yialdyn shoh.

Ezekiel 18:13

T’er chur magh er use, as er n’ghoaill bishaghey: bee y lheid echeysyn bio? Cha bee eh bio: t’eh er n’yannoo ooilley ny ard-pheccaghyn shoh, yiow eh son shickyrys baase, bee yn uill echey er e chione hene.

Ezekiel 33:4

Eisht quoi-erbee ta clashtyn feiyr y trumpet, as nagh vel goaill raaue, as my hig y cliwe, as goaill eshyn ersooyl, bee’n uill echey er e chione hene.

Ezekiel 33:6

Agh my hee-ys yn arreyder yn cliwe cheet, as gyn sheidey yn trumpet, as gyn raaue ’ve ec y pobble: my hig y cliwe, as goaill persoon erbee veih ny mast’ oc, ta eshyn goit ersooyl ayns e pheccah, agh yn uill echey nee’m y yeearree ec laue yn arreyder.

Leviticus 20:9

Quoi-erbee ta gwee mollaght da e ayr, ny e voir, bee eh er ny choyrt gy-baase; er hene vees yn uill echey.

Noo Mian 10:14

As quoi-erbee nagh der oltaghey-bea diu, as nagh der geill da ny goan eu: tra aagys shiu yn thie ny’n ard-valley shen, crie-jee veue joan nyn goshey.

Noo Mian 21:41

Dooyrt adsyn rish, Stroie-ee eh fegooish myghin ny drogh gheiney shen, as nee eh soiaghey yn garey-feeyney rish tannys elley, livrey-ys ny messyn da ayns nyn imbagh cooie.

Noo Mian 21:43

Shen-y-fa ta mish gra riu, Dy bee reeriaght Yee er ny ghoaill veueish, as er ny choyrt da ashoon ymmyrkys magh yn mess echey.

Noo Mian 22:10

As hie ny sharvaantyn shen magh gys ny raaidyn mooarey, as ren ad whilleen as haink nyn raad y haglym cooidjagh, chammah sie as mie: as va thie ny banshey er ny lhieeney lesh goaldee.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Mian 8:11

As ta mee gra riu, dy jig ymmodee veih yn niar as veih yn neear, as dy soie ad sheese marish Abraham, as Isaac, as Jacob, ayns reeriaght niau.

Noo Luke 22:65

As ymmodee reddyn elley loayr ad dy mollaghtagh n’oï.

Noo Luke 9:5

As quoi-erbee nagh jean goaill riu, tra aagys shiu yn ard-valley shen, crie-jee yn eer joan jeh ny cassyn eu, son feanish nyn ’oï.

Jannoo 13:51

Agh chrie adsyn yn joan jeh nyn gassyn nyn ’oï oc, as haink ad gys Iconium.

Jannoo 26:11

As smaghtee mee ad dy mennick ayns dy chooilley synagogue, as dêginee mee ad dy oltooan [Creest]; as va mee ass towse elgyssagh nyn ’oï oc, as ren mee tranlaase orroo gys eer ard-valjyn joarree.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 28:28

Lhig da fys y ve euish er-y-fa shen, dy vel saualtys Yee er ny choyrt gys ny Ashoonee, as dy n’eaishtee ad rish.

Romanee 3:29

Vel eshyn Jee ny Hewnyn ny-lomarcan? nagh vel eh myrgeddin [Jee] ny Hashoonee? S’feer jeh ny Ashoonee myrgeddin.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

1 Peddyr 4:4

Mychione oc t’ad goaill yindys nagh vel shiu roie mâroo gys y towse cheddin dy rouanys, loayrt dy olk jiuish: