Jannoo 18:10 - Yn Vible Casherick 1775 1819

¹⁰ Son ta mish mayrt, as cha soie-ee dooinney erbee ort dy yannoo aggair dhyt: son ta mooarane sleih aym’s ’syn ard-valley shoh.

Yn Conaant Noa 1810

¹⁰ Son ta mish mayrt, as cha soie‐ee dooinney erbee ort dy yannoo aagair dhyt: son ta mooarane sleih aym’s ’syn ard‐valley shoh.

Jannoo 18:10 ပူးပေါင်းရင်းမြစ်များ

Exodus 4:12

Immee nish, er-y-fa shen, as beem’s lesh dty veeal, as ynsee-ym dhyt cre nee oo gra.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Isaiah 54:17

Greïe-caggee erbee ta troggit dt’oï, cha jig eh lesh; as dy chooilley hengey hroggys dt’oï ayns briwnys nee oo y gheyrey. Shoh eiraght shirveishee yn Chiarn; as ta’n ynrickys oc voym’s, ta’n Chiarn dy ghra.

Isaiah 8:10

Cur-jee nyn goyrle dy cheilley, agh hig eh gys veg: loayr-jee yn fockle, agh cha joan eh shassoo: son ta Jee mârin.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 10:30

Agh ta eer renaigyn nyn ghing ooilley er nyn earroo.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Luke 21:18

Agh cha jed wheesh renaig jeh nyn ghing naardey.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Noo Ean 11:52

As cha nee ynrycan son yn ashoon shen, agh myrgeddin dy jinnagh eh cloan Yee va skeaylt dy lhean, y hayrn gys unnaneys ry-cheilley.

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Jannoo 15:18

Ec Jee ta fys er ooilley e obbraghyn hene, er-dy hoshiaght y theihll.

Jannoo 18:11

As duirree eh ayns shen three bleeaney as lieh vleïn, gynsaghey goo Yee nyn mast’ oc.

Jannoo 18:9

Eisht loayr y Chiarn ayns ashlish rish Paul ayns yn oie, Ny bee aggle ort, agh loayr magh, as ny bee dty host:

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

2 Corinthianee 12:9

As dooyrt eh rhym, Ta’n ghrayse aym’s fondagh er dty hon; son ta’n niart aym’s dy slane er ny hoilshaghey ayns annooinid. Ny s’arryltee er-y-fa shen neem’s boggyssagh ayns my annooinidyn, dy vod pooar Chreest ve breeoil aynym.

2 Timothy 4:17

Ny-yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Briwnyn 2:18

As tra va’n Chiarn er hroggal seose briwnyn daue, eisht va’n Chiarn marish y vriw shen, as ren eh ad y livrey ass laue nyn noidyn ooilley laghyn y vriw: (son ghow’n Chiarn chymmey jeh ny osnaghyn oc, kyndagh roosyn va seaghney as jannoo tranlaase orroo.)