Jannoo 17:31 - Yn Vible Casherick 1775 1819

³¹ Er-yn-oyr dy vel eh er n’oardaghey laa ry-hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Yn Conaant Noa 1810

³¹ Er‐yn‐oyr dy vel eh er n’oardaghey laa ry‐hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Jannoo 17:31 ပူးပေါင်းရင်းမြစ်များ

Psalmyn 9:8

Son nee eh yn seihll y vriwnys ayns cairys: as shirveish briwnys firrinagh er y pobble.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Noo Mian 10:15

Dy firrinagh ta mee gra riu, Dy bee eh ny sassey da cheer Sodom as Gomorrah, ec laa ny briwnys, na da’n ard-valley shen.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Luke 22:22

As dy firrinagh ta’n Mac dooinney goll myr ve kiarit: agh smerg da’n dooinney shen liorish t’eh er ny vrah.

Noo Ean 12:48

Eshyn ta soiaghey beg jeem’s, as nagh vel goaill rish my ghoan, ta shen echey ta dy vriwnys eh: eer yn goo ta mish er loayrt, nee shen y vriwnys eh ec y laa jerrinagh.

Noo Ean 16:10

Mychione cairys, son dy vel mee goll roym gys yn Ayr, as nagh vaik shiu mee arragh;

Noo Ean 5:27

As t’eh er choyrt da pooar dy yannoo briwnys myrgeddin, er-y-fa dy nee Mac y dooinney eh.

Jannoo 17:18

Eisht hoie shiartanse jeh fir-ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er dy hoiaghey seose Jeeghyn noa: er-yn-oyr dy row eh preacheil daue Yeesey, as yn irree-seose-reesht.

Jannoo 17:32

As tra cheayll ad jeh irree-seose-reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir-reill yn ard-valley, geamagh, T’ad shoh t’er hyndaa yn seihll bun-ry-skyn er jeet ayns shoh neesht;

Jannoo 2:32

Shoh yn Yeesey cheddin ta Jee er hroggal seose, myr ta shinyn ooilley nyn veanishyn.

Jannoo 4:10

Lhig da fys y ve euish ooilley, as ec ooilley pobble Israel, dy nee liorish ennym Yeesey Creest dy Nazareth, ren shiuish y chrossey, eh ren Jee y hroggal veih ny merriu, dy jarroo liorishyn ta’n dooinney shoh ta ny hassoo kiongoyrt riu er n’gheddyn slane couyr.

Romanee 2:16

Ayns y laa tra nee Jee folliaghtyn gheiney y vriwnys liorish Yeesey Creest, cordail rish y sushtal fo my churrym.

Romanee 2:5

Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 5:10

Son shegin dooin ooilley shassoo fenish stoyl-briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

2 Timothy 4:1

Ta mee cur currym ort er-y-fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree-seose-reesht ny merriu, as jeh briwnys dy bragh farraghtyn.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry-hoi laa ny briwnys, as toyrt-mow deiney mee-chrauee.