Jannoo 17:26 - Yn Vible Casherick 1775 1819

²⁶ As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Yn Conaant Noa 1810

²⁶ As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Jannoo 17:26 ပူးပေါင်းရင်းမြစ်များ

Genesis 3:20

As denmys Adam ennym yn ven echey Eve, er-yn-oyr dy nee ish va moir ooilley sheelnaue.

Genesis 9:19

Ad shoh nyn droor mec Noah: as lioroosyn va’n slane seihll jeant magh lesh cummaltee.

Lioar Yob 12:23

T’eh bishaghey ny ashoonyn, as dy stroie ad reesht: t’eh sheeyney magh nyn ardjyn, as dy hionney ad reesht.

Lioar Yob 14:5

Fakin nagh vel e laghyn agh giare, ta earroo ny meeaghyn echey mayrt’s; t’ou uss er hoiaghey ny cagliaghyn echey, nagh vod eh goll harrish.

Psalmyn 31:15

Ta mee er chlashtyn jeh cooyl-chassid y sleih: as ta aggle er dy chooilley heu, choud as t’ad cur nyn ghing cooidjagh, as goaill coyrle dy ghoaill ersooyl my vioys.

Psalmyn 74:17

She lhiat’s yn laa, as lhiat’s yn oie: uss t’er phointeil yn soilshey as y ghrian.

Isaiah 14:31

Gull, O yiat; yllee, O ard-valley: t’ou uss slane Palestina er dty skeayley: son hig jaagh veih’n twoaie, as cha n’uirree fer jeu nagh jig kionfenish, tra vees eh er ny eam.

Isaiah 34:17

As t’eh er hilgey yn lot orroo, as ta e laue er rheynn shoh orroo liorish line: bee eh oc dy bragh son eiraght, as veih sheeloghe gys sheeloghe nee ad cummal ayn.

Isaiah 45:21

Insh-jee, as cur-jee lhieu ad er-gerrey; dy jarroo, lhig daue coyrle y ghoaill ry-cheilley: quoi t’er hoilshaghey shoh er-dyn chenn earish? quoi t’er n’insh eh er-dyn traa shen? nagh vel mish yn Chiarn? as cha vel jee erbee elley agh mish; Jee cairal as Saualtagh; cha vel agh mee hene.

Jeremiah 27:5

Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

Daniel 11:27

As bee creeaghyn y daa ree shoh soit er olk, as loayree ad breagyn ry-cheilley ec yn un voayrd: agh cha jig eh lhieu: son foast bee jerrey er ec y traa cooie.

Daniel 11:35

As tuittee paart jeusyn ta toiggal oc, dy phrowal ad, as dy ghlenney, as dy yannoo gial jeu, eer gys traa yn jerrey: er-yn-oyr dy vel eh foast son traa pointit.

Malachi 2:10

Nagh vel yn un ayr ain ooilley? nagh vel yn un Jee er chroo shin? cre’n-fa ta shin dellal dy molteyragh dy chooilley ghooinney rish e vraar? liorish brishey conaant nyn ayraghyn.

Jannoo 14:17

Ny-yeih cha daag eh eh-hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

Jannoo 15:18

Ec Jee ta fys er ooilley e obbraghyn hene, er-dy hoshiaght y theihll.

1 Corinthianee 15:22

Son ’naght myr ayns Adam ta ooilley geddyn baase, dy jarroo myr shen ayns Creest bee ooilley jeant bio.

1 Corinthianee 15:47

Va’n chied dooinney jeh’n thalloo, thallooinagh: ta’n nah ghooinney yn Chiarn veih niau.

Hebrewnee 2:3

Kys oddys shinyn scapail, my nee mayd mee-rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;