Jannoo 17:24 - Yn Vible Casherick 1775 1819

²⁴ Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

Yn Conaant Noa 1810

²⁴ Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

Jannoo 17:24 ပူးပေါင်းရင်းမြစ်များ

Genesis 1:1

Ayns y toshiaght chroo Jee niau as thalloo.

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 14:22

As dooyrt Abram rish ree Sodom, Ta mee er hroggal seose my laue gys y Chiarn, yn Jee smoo syrjey, leshyn ta niau as thalloo.

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

2 Reeaghyn 19:15

As ghow Hezekiah padjer kiongoyrt rish y Chiarn, as dooyrt eh, O Hiarn Yee Israel, ta cummal eddyr ny cherubim, she uss yn Jee, eer uss dty-lomarcan, jeh ooilley reeriaghtyn ny hooirey; uss chroo niau as thalloo.

2 Recortyssyn 2:6

Agh quoi ec ta’n fort dy hroggal thie dasyn, fakin nagh vel niau, as niau ny niaughyn son eshyn y ghoaill? quoi mish eisht, dy ve feeu thie y hroggal da, agh ynrycan dy hebbal oural-losht kiongoyrt rish?

2 Recortyssyn 6:18

(Agh jean Jee dy jarroo cummal marish deiney er y thalloo? cur-my-ner, cha vod niau, as niau ny niaughyn uss y ghoaill; cre-woad sloo yn thie shoh ta mish er hroggal?)

Psalmyn 115:16

Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 146:5

Ta er chroo niau as thalloo, yn faarkey, as ooilley ny t’ayndoo: ta freayll e yialdyn son dy bragh;

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 24:1

Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

Isaiah 40:12

Quoi ta er howse ny ushtaghyn ayns bass e laue, as er n’ghoaill towshan yn aer lesh reaish, as er n’ghoaill stiagh [thummyd] joan ny hooirey ayns saagh, as er weighal ny sleityn ayns meihaghyn, as ny croink ayns co-hrimmid?

Isaiah 40:28

Nagh vel fys ayd hene, nagh vel oo er chlashtyn, nagh vel yn Jee dy bragh, beayn, yn Chiarn, Fer-croo king y theihll, gannooinaghey, ny gaase skee? cha vod roshtyn ve jeant er y tushtey echey.

Isaiah 42:5

Shoh myr ta’n Chiarn Jee dy ghra, eh chroo ny niaughyn, as ren skeayley magh ad; eh hug er y thalloo dy heet rish, as ooilley ny ta cheet ass; eshyn hug ennal ’sy phobble ta er, as bioys ayndoosyn ta cummal ayn;

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 10:11

Myr shoh jir shiu roosyn, Ny jeeghyn nagh ren ny niaughyn ny’n thalloo y chroo, nee ad shen eer cherraghtyn veih’n thalloo, as veih fo ny niaughyn shoh.

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Jeremiah 32:17

O Hiarn Yee, cur-my-ner, t’ou uss er chroo niau as thalloo liorish dty phooar niartal as dty roih sheeynt magh, as dhyt’s cha vel nhee erbee ro ghoillee:

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Zechariah 12:1

Phadeyrys trome goo yn Chiarn son Israel, ta’n Chiarn dy ghra, ta sheeyney magh ny niaughyn, as layal undin ny hooirey, as kiaddey spyrryd dooinney cheu-sthie jeh.

Malachi 2:10

Nagh vel yn un ayr ain ooilley? nagh vel yn un Jee er chroo shin? cre’n-fa ta shin dellal dy molteyragh dy chooilley ghooinney rish e vraar? liorish brishey conaant nyn ayraghyn.

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 5:34

Agh ta mish gra riu, Ny loo-jee er aght erbee; edyr liorish niau, son she stoyl-reeoil Yee eh:

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 1:1

Ayns y toshiaght va’n Goo, as va’n Goo marish Jee, as va’n Goo Jee.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 4:24

As tra cheayll ad shen, hrog ad seose nyn goraa gys Jee lesh un aigney, as dooyrt ad, Hiarn, uss yn Jee t’er chroo niau as thalloo, as y faarkey, as ooilley ny t’ayndoo;

Jannoo 7:48

Ny-yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

Romanee 1:19

Er-yn-oyr dy vel shen ny oddys ve er ny hoiggal mychione Jee, er ny hoilshaghey ayndoo: son ta Jee er hoilshaghey shen daue.

Deuteronomy 10:14

Cur-my-ner, ta niau, as niau ny niaughyn lesh y Chiarn dty Yee, yn seihll myrgeddin marish ooilley ny t’ayn.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 3:4

Son ta dy chooilley hie troggit liorish dooinney ennagh; agh eshyn hrog dy chooilley nhee she Jee eh.

Ashlish 20:11

As honnick mee stoyl-reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry-gheddyn er nyn son.