Jannoo 17:16 - Yn Vible Casherick 1775 1819

¹⁶ Nish choud as va Paul farkiaght ec Athens, son ad dy heet, va e chree er ny ghreinnaghey cheu-sthie jeh, tra honnick eh yn slane ard-valley lhie ayns jalloonys.

Yn Conaant Noa 1810

¹⁶ Nish choud as va Paul farkiaght ec Athens, son ad dy heet, va e chree er ny ghreinnaghey cheu‐sthie jeh, tra honnick eh yn slane ard‐valley lhie ayns jalloonys.

Jannoo 17:16 ပူးပေါင်းရင်းမြစ်များ

1 Reeaghyn 19:10

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh: son ta cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as ta mish, dy jarroo mish my-lomarcan, faagit er-mayrn; as t’ad shirrey my vioys, dy ghoaill eh ersooyl.

1 Reeaghyn 19:14

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh; er-yn-oyr dy vel cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as mish, dy jarroo mish my-lomarcan ta faagit er-mayrn, as t’ad shirrey my vioys, dy ghoaill eh ersooyl.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 119:158

Te trimshey dou dy akin ny drogh-yantee: son nagh vel ad freayll dty leigh.

Psalmyn 69:9

Son ta’n ghraih jeean t’aym da dty hie dy jarroo er ghuinney mee gys y chree: as ta ny oghsanyn ocsyn hug scammylt dhyt’s, er duittym orrym’s.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Noo Mark 3:5

As tra v’eh er yeeaghyn mygeayrt orroo lesh corree, v’eh seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Ean 2:13

As va Caisht ny Hewnyn er-gerrey, as hie Yeesey seose gys Jerusalem,

Jannoo 17:15

As hug y cheshaght hie marish Paul lhieu eh gys Athens: as chaghteraght currit lhieu gys Silas as Timothy ad dy heet huggey ayns dy chooilley hiyr, jimmee ad rhymboo.

Jannoo 17:21

(Son cha row ooilley ny Athenianee as ny joarreeyn v’ayns shen, baarail nyn draa ayns nhee erbee, agh edyr dy insh, ny dy chlashtyn red ennagh noa.)

Jannoo 17:23

Son myr va mee goll shaghey, as cur-my-ner yn aght ooashlaghey euish, hooar mee altar as yn raa shoh scruit er, GYS Y JEE GYN-YSS DOOIN. She eshyn er-y-fa shen ta shiu dy ooashlaghey gyn fys eu quoi eh, ta mish dy hoilshaghey diu.

Jannoo 18:1

Lurg ny reddyn shoh jimmee Paul veih Athens, as haink eh gys Corinth:

Jannoo 20:22

As nish cur-my-ner, ta mee goll fo bree yn Spyrryd gys Jerusalem, gyn fys ve aym cre ta dy haghyrt dou ayns shen:

1 Thessalonianee 3:1

Shen-y-fa, tra nagh voddagh shin lhiggey shaghey veg sodjey, ghow shin ayns laue mish dy ve faagit ec Athens my-lomarcan:

2 Peddyr 2:7

As livrey eh Lot yn dooinney cairagh, seaghnit lesh ymmyrkey-bea feohdagh ny mee-chrauee: