Jannoo 17:10 - Yn Vible Casherick 1775 1819

¹⁰ As hug ny braaraghyn ersooyl chelleeragh Paul as Silas ayns yn oie gys Berea: as tra v’ad er jeet gys shen, hie ad stiagh ayns synagogue ny Hewnyn.

Yn Conaant Noa 1810

¹⁰ As hug ny braaraghyn ersooyl chelleeragh Paul as Silas ayns yn oie gys Berea: as tra v’ad er jeet gys shen, hie ad stiagh ayns synagogue ny Hewnyn.

Jannoo 17:10 ပူးပေါင်းရင်းမြစ်များ

Jannoo 1:15

As ayns ny laghyn shen hass Peddyr seose mastey fir-eiyrtee [Yeesey] as dooyrt eh, (va earroo ny henmyn cooidjagh mysh shey-feed.)

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard-gheiney mastey ny braaraghyn:

Jannoo 17:1

Nish tra v’ad er gholl trooid Amphipolis as Apollonia, haink ad gys Thessalonica, raad va keeill ec ny Hewnyn.

Jannoo 17:2

As hie Paul, myr va’n cliaghtey echey stiagh mâroo, as son three laghyn doonee ren eh resooney roo ass ny scriptyryn,

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir-reill yn ard-valley, geamagh, T’ad shoh t’er hyndaa yn seihll bun-ry-skyn er jeet ayns shoh neesht;

Jannoo 20:4

As hie ayns sheshaght mârish gys Asia, Sopater dy Verea, as jeh ny Thessalonianee, Aristarchus as Secundus; as Gaius veih Derbe, as Timothy; as veih Asia, Tychicus as Trophimus.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Jannoo 9:25

Eisht ghow ny credjuee eh ayns yn oie, as lhig ad eh sheese rish y voalley ayns baskad.

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y [Jee ain, dy phreacheil diu sushtal] Yee lesh lane streeu.

1 Samuel 20:42

As dooyrt Jonathan rish David, Immee royd ayns shee, fakin dy vel shin er n’yannoo breearrey ayns ennym y Chiarn, gra, Dy row’n Chiarn eddyr mish as uss, as eddyr my luight as y sluight ayd’s son dy bragh. As hrog eh er as hie eh roish; as hie Jonathan gys yn ard-valley.