Jannoo 16:23 - Yn Vible Casherick 1775 1819

²³ As tra v’ad er woalley ad dy dewil, hilg ad ad ayns pryssoon, as doardee ad yn wardoor dy reayll ad dy sauchey.

Yn Conaant Noa 1810

²³ As tra v’ad er woalley ad dy dewil, hilg ad ad ayns pryssoon, as doardee ad yn wardoor dy reayll ad dy sauchey.

Jannoo 16:23 ပူးပေါင်းရင်းမြစ်များ

Noo Mian 26:48

Nish hug eshyn v’er vrah eh, cowrey daue, gra, Quoi-erbee ver-yms paag da, shen eh, cum-jee eh dy shickyr.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livreyee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir-reill er coontey yn ennym aym’s.

Jannoo 12:18

Nish cha leah as va’n laa ayn, cha nee yn beggan anvea va mastey ny sidooryn cre’n erree v’er jeet er Peddyr.

Jannoo 12:4

As tra v’eh er ghoaill eh, hug eh eh ayns pryssoon, as livrey eh eh fo currym kiare fileyn dy hidooryn dy reayll eh, kiarail lurg y Chaisht dy chur lesh eh magh gys y pobble.

Jannoo 16:27

As ghooisht arreyder y phryssoon ass e chadley, as tra honnick eh dorryssyn y phryssoon foshlit, hayrn eh e chliwe, as baillish v’er varroo eh-hene, goaill ayns laue dy row ny pryssoonee er chosney roue.

Jannoo 16:36

As dinsh arreyder yn phryssoon yn order shoh da Paul, Ta ny fir-reill er chur fys dy lhiggey yn raad diu: gow-jee nish er-y-fa shen magh, as immee-jee reue ayns shee.

Jannoo 5:18

As hug ad laueyn er ny ostyllyn, as hilg ad ad ayns y phryssoon chadjin.

Jannoo 5:23

Gra, Yn pryssoon dy jarroo hooar shin dooint dy shickyr sauchey, as ny arreyderyn nyn shassoo cheu-mooie jeh’n dorrys: agh tra va shin er vosley, cha dooar shin dooinney erbee sthie.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 9:2

As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er-nyn-skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 6:5

Ayns buillaghyn, ayns pryssooney, ayns irree-magh nyn ’oï, ayns tooilleil, ayns watchal, ayns trostey;

Ephesianee 3:1

Son yn oyr shoh, ta mish Paul, pryssoonagh Yeesey Creest er y choontey euish Ashoonyn-quaagh;

Ephesianee 4:1

Ta mish er-y-fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

2 Timothy 2:9

Er y hon ta mee gymmyrkey seaghyn myr drogh-yantagh, dy jarroo gys geulaghyn; agh cha vel goo Yee kianlt.

Philemon 1:9

Ny-yeih er graih ainjys [Creestee] ta mee goaill myr reih dy yannoo aghin hood’s, mish Paul ta my henn ghooinney, as nish myrgeddin pryssoonagh Yeesey Creest.

Joshua 4:17

Doardee Joshua er-y-fa shen ny saggyrtyn, gra, Tar-jee seose ass Jordan.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.