Jannoo 16:20 - Yn Vible Casherick 1775 1819

²⁰ Eisht hug ad lhieu ad gys ny fir-reill, gra, Ta ny deiney shoh er ghoostey ymmodee anvea ayns yn ard-valley ain, liorish dy nee Hewnyn ad,

Yn Conaant Noa 1810

²⁰ Eisht hug ad lhieu ad gys ny fir‐reill, gra, Ta ny deiney shoh er ghoostey ymmodee anvea ayns yn ard‐valley ain, liorish dy nee Hewnyn ad,

Jannoo 16:20 ပူးပေါင်းရင်းမြစ်များ

Jeremiah 38:4

Er-y-fa shen dooyrt ny princeyn rish y ree, Ta shin guee ort, lhig da’n dooinney shoh ve currit gy-baase: son myr shoh, t’eh gannooinaghey laueyn ny deiney-caggee ta er-mayrn ’syn ard-valley, as laueyn ooilley’n pobble, ayns loayrt lheid ny goan roo: son cha vel eh shoh shirrey foays y phobble, agh yn assee oc.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Jannoo 16:19

As tra honnick ny mainshteryn eck dy row ooilley jerkal nyn gosney ec kione, haare ad Paul as Silas, as hayrn ad ad gys y whuaiyl, fenish fir-reill yn ard-valley,

Jannoo 16:21

As dy vel ad gynsaghey cliaghtaghyn nagh vel lowal dooinyn, ta fo reill yn Raue, dy ghoaill orrin ny dy reayll.

Jannoo 18:2

Raad hooar eh Hew dy row enmyssit Aquila, ruggyr ayns Pontus, va er ny laghyn shen er jeet veih Italy, as e ven Priscilla mârish (er-yn-oyr dy row Claudius er harey ooilley ny Hewnyn dy gholl ass y Raue) as ghow eh aaght mâroo.

Jannoo 19:34

Agh tra hooar ad fys dy nee Hew v’eh, dyllee ad ooilley lesh un choraa choud as daa oor, S’mooar ta Diana ny Ephesianee.

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Romanee 12:2

As ny jean-jee shiu hene y chummey gys y theihll shoh; agh bee-jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.