Jannoo 16:17 - Yn Vible Casherick 1775 1819

¹⁷ Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Yn Conaant Noa 1810

¹⁷ Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Jannoo 16:17 ပူးပေါင်းရင်းမြစ်များ

Psalmyn 57:2

Nee’m geam gys y Jee smoo ard: dy jarroo gys y Jee nee yn chooish t’aym ayns laue y chooilleeney.

Psalmyn 78:35

As chooinee ad dy nee Jee va’n niart oc: as dy row yn Jee ard nyn Ver-kionnee.

Daniel 3:26

Eisht haink Nebuchadnezzar er-gerrey gys beeal yn choirrey aileagh-loshtee, as loayr eh, as dooyrt eh, Shadrach, Meshach as Abed-nego, shiuish sharvaantyn y Jee smoo syrjey, tar-jee magh, as tar-jee gys shoh. Eisht haink Shadrach, Meshach as Abed-nego magh ass mean yn aile.

Daniel 3:28

Eisht loayr Nebuchadnezzar, as dooyrt eh, Bannit dy row Jee Shadrach, Meshach as Abed-nego, ta er choyrt e ainle, as er livrey e harvaantyn, hug nyn marrant er, as er chaghlaa goo yn ree, as er livrey seose nyn girp, nagh jinnagh ad shirveish, ny ooashlaghey jee erbee, er-lhimmey jeh’n Jee oc hene.

Daniel 4:2

By-haittin lhiam dy hoilshaghey ny cowraghyn as yindyssyn, ta’n Jee ard er n’obbraghey orrym.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Daniel 5:21

As v’eh eebrit magh veih cloan gheiney; as haink e chree dy ve myr cree baagh, as va e chummal mârish ny assylyn oaldey: ren eh gyndyr er faiyr myr ny dew, as va e chorp fluigh lesh druight yn aer; derrey hooar eh toiggal, dy vel y Jee smoo syrjey reill ayns reeriaght deiney, as dy vel eh soiaghey harrish quoi-erbee saillish hene.

Daniel 6:16

Eisht doardee yn ree, as hug ad lhieu Daniel, as hilg ad eh ayns ooig ny lionyn: nish loayr y ree, as dooyrt eh rish Daniel, Nee dty Yee t’ou uss dy hirveish dy kinjagh uss y livrey.

Daniel 6:20

As tra haink eh gys yn ooig, deïe eh lesh coraa treih-hrimshagh er Daniel, as loayr y ree, as dooyrt eh rish Daniel, O Ghaniel, shirveishagh y Jee bio, vel dty Yee, t’ou dy hirveish dy kinjagh, abyl uss y livrey veih ny lionyn?

Jonah 1:9

As dooyrt eh roo, She Hebrew mee, as ta mee goaill aggle roish y Chiarn, Jee ny flaunys, t’er chroo yn aarkey as y thalloo chirrym.

Micah 6:6

Cre lesh hig-ym kiongoyrt rish y Chiarn, as mee hene y chroymmey fenish y Jee ard? jig-ym kiongoyrt rish lesh ourallyn-losht, as lesh gounee jeh bleïn dy eash?

Noo Mian 22:16

As hug ad magh huggey shiartanse jeusyn v’ad-hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mian 8:29

As cur-my-ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey roish y traa?

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Mark 12:14

As tra v’ad er jeet, dooyrt ad rish, Vainshter, ta fys ain dy vel oo firrinagh, as nagh vel oo ayns imnea roish dooinney erbee; son cha vel oo soiaghey jeh persoon deiney, agh gynsaghey raad Yee ayns firrinys: vel eh lowal keesh y choyrt da Cesar, mannagh vel?

Noo Mark 5:7

As deïe eh lesh ard-choraa, as dooyrt eh, Cre’n eïe t’ayd orrym, Yeesey, Vac yn Jee smoo ard? ta mee guee ort, ayns ennym Yee, gyn oo dy my horchaghey.

Noo Luke 1:77

Dy chur tushtey dy haualtys da e phobble, liorish leih nyn beccaghyn,

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 20:21

As dênee ad jeh, gra, Vainshter, ta fys ain dy vel oo loayrt as gynsaghey dy cairagh; chamoo t’ou soiaghey jeh persoon erbee, agh gynsaghey raad Yee dy firrinagh.

Noo Luke 4:34

Gra, Faag shin; cre’n eïe t’ayd orrin uss Yeesey dy Nazareth? vel oo er jeet dy nyn stroie? ta fys aym quoi oo hene; Fer-casherick Yee.

Noo Luke 4:41

As haink drogh-spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Noo Luke 8:28

Tra honnick eh Yeesey, dyllee eh, as huitt eh sheese kiongoyrt rish, as dooyrt eh lesh ard-choraa, Cre’n eïe t’ayd orrym, Yeesey, Vac yn Jee smoo ard? Guee-ym ort nagh jean oo my horchaghey.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.

Jannoo 18:26

As ren eh toshiaght dy loayrt lesh dunnallys ayns y synagogue. Agh tra va Aquila as Priscilla er chlashtyn eh, ghow ad stiagh eh, as hug ad ynsaghey sodjey as s’diuney da ayns raad Yee.

Jannoo 19:13

Eisht ren shiartanse jeh ny Hewnyn va goll mygeayrt castey drogh-spyrrydyn, goaill orroo dy eamagh harrish y vooinjer va drogh-spyrrydyn ayndoo, ennym y Chiarn Yeesey, gra, Ta shin cur shiu fo harey liorish Yeesey ta Paul dy phreacheil.

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

2 Peddyr 2:2

As eiyree ymmodee da ny raaidyn mollaghtagh oc, kyndagh roosyn bee raad yn irriney er ny oltooaney.