Jannoo 16:16 - Yn Vible Casherick 1775 1819

¹⁶ As haink eh gy-kione, myr va shin er y raad goll gys padjer, dy daink ben aeg dy row nyn guail, aynjee va spyrryd faishnee, as v’ee tayrn ymmodee cosney da ny mainshteryn eck, liorish e hobbeeys.

Yn Conaant Noa 1810

¹⁶ As haink eh gy‐kione, myr va shin er y raad goll gys padjer, dy daink ben aeg dy row nyn guail, ayn‐jee va spyrryd faishnee, as v’ee tayrn ymmodee cosney da ny maishteryn eck, liorish e hobbeeys.

Jannoo 16:16 ပူးပေါင်းရင်းမြစ်များ

2 Reeaghyn 21:6

As hug eh er e vac dy gholl trooid yn aile, as deiyr eh er guessyn, as hug eh rish buitcheraght, as ghell eh rish spyrrydyn faishnee as fir-obbee: as dobbree eh mooarane olk ayns shilley yn Chiarn, dy vrasnaghey eh gys corree.

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

Isaiah 8:19

As tra jir ad riu, Gow-jee coyrle jeusyn ta spyrrydyn faishnee oc, as jeh ny fir-obbee, ta meekeyragh as tassane; nagh lhisagh pobble briaght jeh nyn Yee? cha nee ny bioee jeh ny merriu?

Leviticus 19:31

Ny cur-jee geill dauesyn ta cur-rish faishnys; chamoo eiyr-jee er fir-obbee, dy ve cleaynit lioroo: Mish y Chiarn y Jee eu.

Leviticus 20:27

Dooinney neesht ny ben, ta cur-rish obbeeys, ny buitcheraght, vees dy feer er nyn goyrt gy-baase; bee ad er nyn glaghey: bee’n uill oc orroo hene.

Leviticus 20:6

As yn annym ta geiyrt orroosyn ta cur-rish obbeeys, as buitcheraght, as jannoo maarderys [spyrrydoil] roo, neem’s soiaghey m’eddin noi’n annym shen, as eshyn y yiarey ersooyl veih mastey’n pobble.

Jannoo 16:13

As er laa yn doonaght hie shin magh ass y valley, gys boayl va lowit son padjer, rish oirr ny hawin; as hoie shin sheese, as loayr shin rish ny mraane v’er nyn jaglym cooidjagh.

Jannoo 16:18

As shoh ren ee ry ymmodee laghyn. Agh Paul seaghnit ec shoh, hyndaa eh, as dooyrt eh rish y spyrryd, Ta mee dy dty harey ayns ennym Yeesey Creest oo dy heet magh ass-jee. As haink eh magh yn oor cheddin.

Jannoo 16:19

As tra honnick ny mainshteryn eck dy row ooilley jerkal nyn gosney ec kione, haare ad Paul as Silas, as hayrn ad ad gys y whuaiyl, fenish fir-reill yn ard-valley,

Jannoo 19:24

Son va gaaue-argid dy row, enmyssit Demetrius, va jannoo chiambyllyn argid son Diana, as cur cosney nagh nee beggan gys ny fir-cheirdey;

Galatianee 5:20

Ammys da jallooyn, obbeeys, dwoaie, anvea, goanlys, jymmoose, streeu, irree-magh, shaghrynys veih’n chredjue,

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er-shaghryn veih’n chredjue, as er vroddey ad-hene trooid lesh mooarane torchaghyn.

2 Timothy 3:8

Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aignaghyn mee-chrauee, caillit gys y chredjue.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

1 Samuel 28:3

Nish va Samuel marroo, as va ooilley Israel er ghobberan er e hon, as ren ad eh y oanluckey ayns Ramah, yn ard-valley echey hene. As va Saul er n’eiyrt ass y cheer adsyn va cur-rish faishnys, as fir-obbee.

1 Samuel 28:7

Eisht dooyrt Saul rish e harvaantyn, Brie-jee magh dou ben ta spyrryd dy aishnys eck, dy voddym goll dy ghoaill coyrle j’ee. As dooyrt e harvaantyn rish, Cur-my-ner, ta ben ta spyrryd dy aishnys eck ayns Endor.