Jannoo 16:14 - Yn Vible Casherick 1775 1819

¹⁴ As va ben dy row va enmyssit Lydia, jeh ard-valley Thyatira, as dellal ayns purple, v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Yn Conaant Noa 1810

¹⁴ As va ben dy row va enmyssit Lydia, jeh ard‐valley Thyatira, as dellal ayns purple v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 16:14 ပူးပေါင်းရင်းမြစ်များ

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Arrane Solomon 5:4

Hug my ghraih e laue stiagh er glass y dorrys, as va my chree seaghnit er e hon.

Isaiah 50:5

Ta’n Chiarn Jee er vosley my chleaysh, as cha row mee mee-viallagh, chamoo hyndaa mee ersooyl.

Noo Luke 24:45

Eisht doshil eh yn tushtey oc, dy voddagh ad ny scriptyryn, y hoiggal,

Noo Ean 12:20

As va shiartanse dy Ghreekyn nyn mast’ oc, v’er jeet seose dy chur ooashley ec y feailley:

Jannoo 10:2

Dooinney crauee, as baghey ayns aggle Yee, eh-hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 11:21

As va laue yn Chiarn mâroo: as ren earroo mooar dy leih credjal as chyndaa gys y Chiarn.

Jannoo 13:43

As erreish da’n chaglym-cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 16:40

As tra v’adsyn er jeet ass y phryssoon, hie ad stiagh ayns thie Lydia: as erreish daue v’er vakin ny braaraghyn, ren ad y gherjaghey ad, as jimmee ad rhymboo.

Jannoo 18:7

As jimmee eh veih shen, as hie eh stiagh ayns thie dooinney dy row va ooashlaghey Jee, enmyssit Justus, yn thie echey va er-gerrey da’n synagogue.

Jannoo 8:27

As hrog eh er, as jimmee eh: as cur-my-ner dooinney jeh Ethiopia, ny eunuch, as ayns ard-oik fo Candace ben-reïn ny Ethiopianee, fo’n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

Romanee 9:16

Myr shen eisht cha vel eh jehsyn ta aignagh, ny jehsyn ta roie, agh jeh Jee ta soilshaghey myghin.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney-mie hene.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley: