Jannoo 15:20 - Yn Vible Casherick 1775 1819

²⁰ Agh shin dy scrieu huc, ad dy reayll ad-hene veih eajeeys jallooyn, as veih maarderys, as veih [gee] reddyn toghtit, as veih fuill.

Yn Conaant Noa 1810

²⁰ Agh shin dy scrieu huc, ad dy reayll ad hene veih eajeeys jallooyn, as veih maarderys, as veih [gee] reddyn toghtit, as veih fuill.

Jannoo 15:20 ပူးပေါင်းရင်းမြစ်များ

Genesis 35:2

Eisht dooyrt Jacob rish lught e hie, as rish ooilley ny va mârish, Cur-jee ersooyl ny jeeghyn joarree ta ny mast’ eu, as bee-jee glen, as caghlaa jee nyn goamraghyn:

Genesis 9:4

Agh feill lesh y vioys t’ayn, ta shen, yn uill, cha jean shiu gee.

Exodus 20:23

Cha jean shiu diu hene mârym’s jeeghyn argid, chamoo nee shiu diu hene jeeghyn airhey.

Ezekiel 33:25

Er-yn-oyr shoh, abbyr roosyn, Myr shoh ta’n Chiarn Jee dy ghra, Ta shiu gee lesh yn uill, as troggal seose nyn sooillyn gys ny jalloonyn eu, as deayrtey fuill; as vow shiu yn cheer myr eiraght?

Ezekiel 4:14

Eisht dooyrt mee, Ah Hiarn Yee, cur-my-ner, cha vel my annym er ve rieau neu-ghlen: son veih my aegid seose, eer derrey nish, cha vel mee er n’ee jeh shen t’er n’gheddyn baase jeh hene, ny raipit ayns peeshyn, chamoo haink feill vee-lowit stiagh my veeal.

Daniel 1:8

Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Leviticus 18:6

Cha jig fer erbee eu er-gerrey jeeish ta faggys caardys da, dy phoosey ee: Mish y Chiarn.

Leviticus 19:26

Cha jean shiu veg y ee vees yn uill ayn: chamoo nee shiu obbeeys y chliaghtey, ny geill (faase-chredjuagh) ’choyrt da traaghyn.

Leviticus 3:17

Bee shoh slattys kinjagh da nyn sheelogheyn trooid ooilley nyn gummallyn, nagh jean shiu gee yn eeh, ny’n uill (jeh baagh erbee.)

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

Jannoo 15:29

Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu-hene, nee shiu dy mie. Slane lhieu.

Jannoo 21:25

As mychione ny Ashoonee t’er chredjal, ta shin er scrieu as er vriwnys, gyn ad dy eiyrt er ny cliaghtaghyn cheddin, agh ynrycan ad dy reayll ad-hene veih reddyn va chebbit gys jallooyn, as veih fuill, as veih reddyn toghtit, as veih maarderys.

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh, ny ny hranlaasagh, marish lheid y fer wheesh as gyn dy ghoaill bee.

1 Corinthianee 6:13

Bee son y volg, as y bolg son bee; agh nee Jee ad ny-neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

1 Corinthianee 6:18

Chea-jee veih maarderys. Ta dy chooilley pheccah ta dooinney dy yannoo, cheu-mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

1 Corinthianee 6:9

Nagh vel fys eu nagh vow ny mee-chrauee eiraght ayns reeriaght Yee? Ny bee-jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey-poosey, ny ny soailtee, ny adsyn ta cur rish peccah noi dooghys,

1 Corinthianee 7:2

Ny-yeih, dy haghney maarderys, lhig da e ven hene ve ec dagh dooinney, as dagh ben e sheshey hene.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

2 Corinthianee 12:21

As er-aggle tra hig-ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu-ghlennid, as y vaarderys, as y rouanys shen, t’ad er ny ve cur rish.

Galatianee 5:19

Nish ta obbraghyn yn eill cronnal, as shoh ad, Brishey-poosey, maarderys, neu-ghlennid, rouanys,

Ephesianee 5:3

Agh maarderys, as dy chooilley neu-ghlennid, as saynt, ny lhig daue ve wheesh as enmyssit ny-vud eu, myr te cooie da nooghyn:

Deuteronomy 12:16

Agh yn uill cha jean shiu gee; nee shiu deayrtey eh er y thalloo myr ushtey.

Deuteronomy 14:21

Cha jean shiu gee red erbee ta geddyn baase jeh hene: shen ver shiu da’n joarree t’er cheu-sthie jeh dty yiattyn, dy yannoo ymmyd jeh, ny foddee oo creck eh rish joarree: son t’ou uss dty phobble casherick da’n Chiarn dty Yee. Cha jean oo broie yn mannan ayns bainney e vayrey.

Deuteronomy 15:23

Agh cha n’ee oo yn uill echey: nee oo eh y gheayrtey er y thalloo myr ushtey.

Colossianee 3:5

Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

Hebrewnee 12:16

Er-aggle dy bee maarderagh erbee, ny persoon erbee mee-chrauee, myr Esau, ren son un lhongey dy vee e eiraght y chreck.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid-feeyney, cuirraghyn jollyssagh, meeiteilyn meshtyllagh, as jalloonys dwoaiagh:

Ashlish 10:2

As va lioar veg foshlit echey ayns e laue: as hoie eh e chass yesh er yn aarkey, as e chass chiare er y thalloo,

Ashlish 10:8

As loayr y coraa cheayll mee veih niau rhym reesht, as dooyrt eh, Immee, as gow yn lioar veg ta foshlit ayns laue yn ainle ta shassoo er yn aarkey, as er y thalloo.

Ashlish 2:14

Agh ta red ennagh aym dt’oï, er-yn-oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:20

Ny-yeih, ta reddyn ennagh aym dy choyrt dty lieh, er-y-fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

Ashlish 9:20

As y chooid elley jeh ny deiney nagh row er nyn stroie liorish ny kerraghyn agglagh shoh, cha ghow ad foast arrys son obbraghyn nyn laueyn, ayns gyn coyrt ooashley da jouyil, as jallooyn dy airh, dy argid, as prash, as clagh, as fuygh: nagh vod fakin, ny clashtyn, ny shooyl:

1 Samuel 14:32

Er shoh roie’n pobble er y spooilley, as ghow ad kirree, as dew, as lheiyee, as ren ad y varroo ad er y thalloo: as d’ee yn pobble jeu lesh yn uill.

1 Samuel 14:33

Eisht dinsh ad da Saul, gra, Cur-my-ner, ta’n pobble jannoo peccah noi’n, Chiarn, ayns dy vel ad gee yn eill lesh yn uill. As dooyrt eh, Ta shiu er n’yannoo dy aggairagh: rowl-jee nish hym ayns shoh clagh vooar.