Jannoo 15:13 - Yn Vible Casherick 1775 1819

¹³ As erreish daue loayrt, dreggyr Jamys, gra, Gheiney as vraaraghyn, eaisht-jee rhym’s.

Yn Conaant Noa 1810

¹³ As erreish daue loayrt, dreggyr Jamys, gra, Gheiney as vraaraghyn, eaisht‐jee rhym’s.

Jannoo 15:13 ပူးပေါင်းရင်းမြစ်များ

Noo Mark 15:40

Va myrgeddin ymmodee mraane cur-my-ner veih foddey: nyn mast’ oc va Moirrey Malaine, as Moirrey moir Yamys by-loo as Joses as Salome;

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh-jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Jannoo 2:14

Agh hass Peddyr seose marish yn un ostyl yeig, as troggal seose e choraa dooyrt eh roo, Gheiney Yudea, as ooilley shiuish chummaltee Yerusalem, gow-jee toiggal jeh shoh, as cur-jee tastey vie da my ghoan.

Jannoo 2:22

Gheiney Israel, eaisht-jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jannoo 2:29

Gheiney as vraaraghyn, lhig dou lesh nyn gied loayrt riu mychione yn patriarch David ta chammah marroo as oanluckit, as dy vel yn oaie echey ry-akin gys y laa t’ayn jiu.

Jannoo 21:18

As yn laa er-giyn hie Paul stiagh mârin gys Jamys; as va ooilley yn chanstyr kionfenish.

Jannoo 22:1

Gheiney, vraaraghyn, as ayraghyn, clasht-jee rish ny t’aym’s dy ghra ayns my lieh hene.

Jannoo 7:2

As dooyrt eshyn, Gheiney, vraaraghyn, as ayraghyn, eaisht-jee, Ren Jee ny ghloyr eh-hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Galatianee 1:19

Agh veg jeh ny ostyllyn elley cha vaik mee, agh Jamys braar y Chiarn.

Galatianee 2:12

Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh-hene voue, ayns aggle rouesyn jeh’n ghiarey-chymmylt.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail; dy ragh shinyn gys ny Ashoonee, as adsyn gys yn giarey-chymmylt.

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree: