Jannoo 15:10 - Yn Vible Casherick 1775 1819

¹⁰ Kys er-y-fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Yn Conaant Noa 1810

¹⁰ Kys er‐y‐fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Jannoo 15:10 ပူးပေါင်းရင်းမြစ်များ

Exodus 17:2

As ren y pobble troiddey rish Moses, as dooyrt ad, Cur dooin ushtey dy iu. As dooyrt Moses roo, Cre’n-fa ta shiu troiddey rhym’s? cre’n-fa ta shiu brasnaghey’n Chiarn.

Isaiah 7:12

Agh dooyrt Ahaz, Cha jean-ym shirrey, chamoo nee’m yn Chiarn y phrowal.

Noo Mian 23:4

Son t’ad kiangley erraghyn tromey as doillee dy ve er nyn ymmyrkey, as dyn goyrt ad er geayltyn deiney, agh cha lhie ad hene wheesh mair roo dy hroggal ad.

Noo Mian 4:7

Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Galatianee 4:9

Agh nish erreish da enney ve eu er Jee, er-nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearree dy ve reesht ayns bondiaght?

Galatianee 5:1

Shass-jee shickyr er-y-fa shen ’sy reamys ta Creest er chosney dooin, as ny bee-jee kianlt reesht fo’n whing dy vondiaght.

Hebrewnee 3:9

Tra ren ny ayraghyn eu mish y vrasnaghey, phrow ad mee, as honnick ad m’obbraghyn da-eed bleïn.

Hebrewnee 9:9

Va shoh cowrey son y traa shen, ayn v’er ny hebbal chammah giootyn as ourallyn, nagh voddagh eshyn ren y chirveish y heyrey, myr bentyn rish y chooinsheanse.