Jannoo 14:2 - Yn Vible Casherick 1775 1819

² Agh ghreinnee ny Hewnyn mee-chredjuagh ny Ashoonee, as physhoon ad ny aignaghyn oc noi ny braaraghyn.

Yn Conaant Noa 1810

² Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 14:2 ပူးပေါင်းရင်းမြစ်များ

Noo Ean 3:36

Eshyn ta credjal ayns y Mac, ta’n vea ta dy bragh farraghtyn echey: as eshyn nagh vel credjal yn Mac, cha vaik eh yn vea, agh nee jymmoose Yee tannaghtyn er.

Jannoo 1:15

As ayns ny laghyn shen hass Peddyr seose mastey fir-eiyrtee [Yeesey] as dooyrt eh, (va earroo ny henmyn cooidjagh mysh shey-feed.)

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard-valley, sheiltyn dy row eh marroo.

Jannoo 14:4

Agh va sleih yn ard-valley noi-ry-hoi: as va ayrn jeu goaill paart ny Hewnyn, as ayrn elley paart ny hostyllyn.

Jannoo 14:5

As tra va irree-magh er ny yannoo chammah jeh ny Ashoonee, as myrgeddin ny Hewnyn, marish ny fir-reill oc, er-chee drogh ghellal y chur daue, as nyn glaghey ad,

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 17:5

Agh ny Hewnyn mee-chredjuagh greinnit lesh goanlys, ghow ad huc shiartanse dy ghrogh gheiney mee-reiltagh; as tra va chaglym mooar jeu oc, hug ad ooilley yn ard-valley bun-ry-skyn, as vrish ad stiagh er niart ayns thie Jason, er-chee ad y choyrt lhieu magh gys y pobble.

Jannoo 18:12

As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys,

1 Thessalonianee 2:14

Son haink shiuish vraaraghyn, dy ve eiyrtyssee er kialteenyn Yee, ta ayns Judea ayns Creest Yeesey: son ta shiuish neesht er hurranse ny reddyn cheddin liorish ny deiney-cheerey eu hene, dy jarroo myr t’adsyn liorish ny Hewnyn: