Jannoo 14:18 - Yn Vible Casherick 1775 1819

¹⁸ As lesh ny goan shoh, s’coan ren ad y pobble y lhiettal veih oural y hebbal daue.

Yn Conaant Noa 1810

¹⁸ As lesh ny goan shoh, s’coan ren ad y pobble y lhiettal veih oural y hebbal daue.

Jannoo 14:18 ပူးပေါင်းရင်းမြစ်များ

Genesis 11:6

As dooyrt y Chiarn, Cur-my-ner ta’n pobble myr unnane, as ta’n un ghlare oc ooilley: as shoh t’ad er ghoaill orroo dy yannoo; as nish cha bee nhee erbee er ny lhiettal voue, t’ad er n’ghoaill ayns laue dy yannoo.

Genesis 19:9

As dooyrt ad, Shass back. As dooyrt ad reesht, Haink yn er shoh, er e yoarreeaght ny-vud ain; as nish baillish ’ve ny vriw: nish dell mayd ny smessey rhyt’s na roosyn. As hionn ad dy mooar er y dooinney, dy jarroo er Lot, as haink ad er-gerrey dy vrishey yn dorrys.

Noo Mian 13:15

Son ta cree yn phobble shoh er n’aase roauyr, as ta ny cleayshyn oc moal dy chlashtyn, as ny sooillyn oc t’ad er n’yeigh; er-aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Noo Ean 6:15

Tra dennee Yeesey er-y-fa shen dy darragh ad, as dy goghe ad eh er niart, dy yannoo eh ny ree, hie eh seose reesht er slieau eh-hene ny-lomarcan.

Jannoo 14:17

Ny-yeih cha daag eh eh-hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard-valley, sheiltyn dy row eh marroo.