Jannoo 13:6 - Yn Vible Casherick 1775 1819

⁶ As tra v’ad er n’gholl trooid yn Ellan gys Paphos, hooar ad ayns shen fer-obbee dy row, phadeyr foalsey, Hew va enmyssit Bar-jesus:

Yn Conaant Noa 1810

⁶ As tra va’d er n’gholl trooid yn Ellan gys Paphos, hooar ad ayns shen fer‐obbee dy row, phadeyr‐foalsey, Hew va enmyssit Barjesus:

Jannoo 13:6 ပူးပေါင်းရင်းမြစ်များ

1 Reeaghyn 22:22

As dooyrt y Chiarn rish, Cre’n aght? As dooyrt eh, Hem’s magh, as bee’m my spyrryd breagagh ayns beeal ooilley e adeyryn. As dooyrt eh, Nee oo eh y choyrlaghey, as hig eh lhiat myrgeddin: immee, as jean myr shen.

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

Exodus 22:18

Cha n’uillee oo buitch dy ve bio.

Leviticus 20:6

As yn annym ta geiyrt orroosyn ta cur-rish obbeeys, as buitcheraght, as jannoo maarderys [spyrrydoil] roo, neem’s soiaghey m’eddin noi’n annym shen, as eshyn y yiarey ersooyl veih mastey’n pobble.

Zechariah 13:3

As hig eh gy-kione, tra nee fer erbee phadeyrys, dy jir e ayr as e voir hooar eh, gra rish, Cha bee oo bio; son t’ou fockley-magh breagyn ayns ennym y Chiarn: as nee e ayr as e voir hooar eh, roie trooid e chorp eh, tra t’eh jannoo phadeyrys.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s, agh my Ayr t’ayns niau.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 7:15

Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Noo Mark 10:46

As haink ad gys Jericho: as myr v’eh goll magh ass Jericho marish e ostyllyn, as marish earroo mooar dy leih, va Bartimeus doal mac Timeus, ny hoie rish oirr yn raad, shirrey jeirk.

Jannoo 13:13

Nish tra va Paul as e heshaght er hiaulley veih Paphos, haink ad gys Perga ayns Pamphylia: as daag Ean ad, as hie eh back gys Jerusalem.

Jannoo 13:8

Agh Elymas (ta shen dy ghra ’sy ghlare ainyn, Yn fer-obbee) hug eh eddin daue, er-chee dy hyndaa yn kiannoort veih’n chredjue.

2 Corinthianee 11:13

Son ta nyn lheid oc shoh ostyllyn foalsey, obbreeyn molteyragh goaill orroo hene cummey ostyllyn Chreest.

2 Timothy 3:8

Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aignaghyn mee-chrauee, caillit gys y chredjue.

1 Ean 4:1

Chaarjyn, ny cred-jee dy chooilley spyrryd, agh prow-jee ny spyrrydyn vel ad veih Jee: er-yn-oyr dy vel ymmodee phadeyryn foalsey er n’gholl magh ’sy theihll.

Ashlish 19:20

As va’n veisht goit, as marish yn phadeyr foalsey va gobbraghey mirrilyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny-neesht ceaut bio ayns logh dy aile lostey lesh brimstone.