Jannoo 13:51 - Yn Vible Casherick 1775 1819

⁵¹ Agh chrie adsyn yn joan jeh nyn gassyn nyn ’oï oc, as haink ad gys Iconium.

Yn Conaant Noa 1810

⁵¹ Agh chrie adsyn yn joan jeh nyn gassyn nyn ’oï oc, as haink ad gys Iconium.

Jannoo 13:51 ပူးပေါင်းရင်းမြစ်များ

Noo Mian 10:14

As quoi-erbee nagh der oltaghey-bea diu, as nagh der geill da ny goan eu: tra aagys shiu yn thie ny’n ard-valley shen, crie-jee veue joan nyn goshey.

Noo Mark 6:11

As quoi-erbee nagh jean goaill riu, ny geill y choyrt da ny goan eu, tra vees shiu goll reue, crie-jee yn joan ta fo ny cassyn eu, son feanish nyn ’oï. Dy firrinagh ta mee gra riu, Dy bee eh ny sassey son Sodom as Gomorrah ec laa ny briwnys, na son yn ard-valley shen.

Noo Luke 10:11

Eer joan yn ard-valley eu, ta lhiantyn hooin, ta shin dy chraa j’in nyn ’oï eu: ny-yeih, bee-jee shickyr jeh shoh, dy vel reeriaght Yee er jeet er-gerrey diu.

Noo Luke 9:5

As quoi-erbee nagh jean goaill riu, tra aagys shiu yn ard-valley shen, crie-jee yn eer joan jeh ny cassyn eu, son feanish nyn ’oï.

Jannoo 14:1

As haink eh gy-kione ayns Iconium, dy jagh ad ny-neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard-valley, sheiltyn dy row eh marroo.

Jannoo 14:21

As tra v’ad er phreacheil y sushtal gys yn ard-valley shen, as er n’ynsaghey ymmodee, haink ad reesht gys Lystra, as gys Iconium as Antioch,

Jannoo 16:2

Va goo mie ec Timothy shoh veih ny braaraghyn va ec Lystra as Iconium.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra; cre’n tranlaase hie mee ny hrooid: agh assdoo ooilley ren y Chiarn m’y livrey.