Jannoo 13:5 - Yn Vible Casherick 1775 1819

⁵ As tra haink ad gys Salamis ren ad goo Yee y phreacheil ayns kialteenyn ny Hewnyn: as va Ean oc mâroo son shirveishagh.

Yn Conaant Noa 1810

⁵ As tra haink ad gys Salamis ren ad goo Yee y phreacheil ayns kialteenyn ny Hewnyn: as va Ean oc mâroo son shirveishagh.

Jannoo 13:5 ပူးပေါင်းရင်းမြစ်များ

1 Reeaghyn 19:21

As hie eh roish back voish, as ghow eh cubbyl jeh ny dew, as varr eh ad, as ren eh yn eill oc y aarlaghey lesh ny greinyn shesheree as hirveish eh er y pobble, as ren ad gee; eisht dirree eh. As deiyr eh er Elijah, as v’eh e hirveishagh.

1 Reeaghyn 19:3

As tra honnick eh shen, hrog eh er, as chossyn eh roish son e vioys, as haink eh gys Beer-sheba, ta bentyn gys Judah, as daag eh e harvaant ayns shen.

2 Reeaghyn 3:11

Agh dooyrt Jehoshaphat, Nagh vel ayns shoh phadeyr y Chiarn; liorishyn dy vod mayd briaght jeh’n Chiarn? As dreggyr fer jeh sharvaantyn ree Israel, as dooyrt eh, Ta ayns shoh Elisha mac Shaphat, ren deayrtey ushtey er laueyn Elijah.

Exodus 24:13

As hrog Moses er, as e hirveishagh Joshua: as hie Moses seose er slieau Yee.

Noo Mian 20:26

Agh cha bee shiuish myr shen: agh quoi-erbee jiuish baillish ve ooasle, lhig da ve nyn shirveishagh.

Jannoo 12:12

As tra v’eh er smooinaghtyn er y chooish, haink eh gys thie Voirrey moir Ean, va sliennooit Mark, raad va ymmodee er nyn jaglym cooidjagh ec padjer.

Jannoo 12:25

As haink Barnabas as Saul back veih Jerusalem, tra v’ad er chooilleeney yn chirveish oc, as hug ad lhieu mâroo Ean va sliennooit Mark.

Jannoo 13:14

Agh tra v’ad er gholl veih Perga, haink ad gys Antioch ayns Pisidia, as hie ad stiagh ayns y synagogue er laa yn doonaght, as hoie ad sheese.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu-feeu jeh’n vea veayn, cur-my-ner ta shinyn chyndaa gys ny Ashoonee.

Jannoo 14:1

As haink eh gy-kione ayns Iconium, dy jagh ad ny-neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 15:37

As va Barnabas aggindagh er Ean y chur lhieu mâroo, va sliennooit Mark.

Jannoo 17:17

Shen-y-fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 18:4

As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Jannoo 19:22

Er shoh hug eh gys Macedonia jees jeh ny shirveishee echey, Timothy as Erastus; agh duirree eh-hene ayns Asia son earish.

Jannoo 19:29

As va ooilley yn ard-valley bun-ry-skyn: as erreish daue v’er ghoaill Gaius as Aristarchus, Macedonianee, sheshaghyn troailtee Phaul, ying ad stiagh ooilley dy cheilley ayns y theater.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Colossianee 4:10

Ta Aristarchus my heshey-pryssoonagh dy vannaghey diu, as Marcus mac shayrey Barnabas (mychione echey hooar shiu currym; my hig eh hiu jean-jee mooar jeh)

2 Timothy 4:11

Luke ny-lomarcan ta mârym. Gow Mark, as cur lhiat mayrt eh, son t’eh vondeishagh dooys ayns [obbyr] y chirveish.