Jannoo 13:43 - Yn Vible Casherick 1775 1819

⁴³ As erreish da’n chaglym-cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Yn Conaant Noa 1810

⁴³ As erreish da’n chaglym‐cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 13:43 ပူးပေါင်းရင်းမြစ်များ

Noo Mian 23:15

Smerg diu scrudeyryn as Phariseeyn, chrauee-oalsey; son ta shiu goll mygeayrt keayn as thalloo, dy hayrn agh un yoarree gys y chredjue eu hene, as tra t’eh er jyndaa hiu, ta shiu dy yannoo eh ny lhiannoo dy niurin ghaa wheesh smessey na shiu hene.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 14:3

Ry-foddey dy earish er-y-fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 16:14

As va ben dy row va enmyssit Lydia, jeh ard-valley Thyatira, as dellal ayns purple, v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 17:17

Shen-y-fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 17:34

Ny-yeih ren shiartanse dy gheiney lhiantyn huggey, as credjal: jeu shoh va Dionysius yn Areopagite, as ben va enmyssit Damaris, as feallagh elley mâroo.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 18:7

As jimmee eh veih shen, as hie eh stiagh ayns thie dooinney dy row va ooashlaghey Jee, enmyssit Justus, yn thie echey va er-gerrey da’n synagogue.

Jannoo 2:10

Phrygia as Pamphylia ayns Egypt, as ardjyn Lybia mygeayrt Cyrene, as joarreeyn veih yn Raue, Hewnyn as proselyteyn,

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 6:5

As by-haittin lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

Romanee 3:24

Dy nastee jeant seyr liorish e ghrayse, trooid y livrey-ys ta ayns Yeesey Creest:

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

2 Corinthianee 5:11

Toiggal er-y-fa shen atchim y Chiarn, ta shin coyrlaghey deiney; agh ta’n ynrickys ainyn er ny hoilshaghey gys Jee, as ta mee treishteil neesht, dy vel eh er ny hoilshaghey gys ny cooinsheanseyn euish.

2 Corinthianee 6:1

Ta shinyn eisht, myr fir-choonee mârishyn, guee erriuish myrgeddin, nagh jean shiu grayse Yee y ghoaill ayns fardail:

Galatianee 5:1

Shass-jee shickyr er-y-fa shen ’sy reamys ta Creest er chosney dooin, as ny bee-jee kianlt reesht fo’n whing dy vondiaght.

Galatianee 5:4

Cha vel Creest jeh veg y foays diu, quoi-erbee eu ta jerkal dy v’er ny heyrey liorish y leigh; ta shiu er duittym veih grayse.

Ephesianee 2:8

Son liorish grayse ta shiu er nyn sauail, trooid credjue; as shen cha nee j’iu hene: she gioot Yee eh:

Philippianee 3:16

Ny-yeih, choud as ta shin er roshtyn huggey, lhig dooin gimmeeaght liorish y rule cheddin, lhig dooin tastey choyrt da’n red cheddin.

Philippianee 4:1

Shen-y-fa, my vraaraghyn, deyr graihagh as nyn lurg eu ta foddiaght orrym, my voggey as my attey, shass-jee myr shen shickyr ayns y Chiarn, my chaarjyn ennoil.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney;

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er-aggle dy jean fraue erbee dy herriuid gaase seose, shiu y voirey, as ymmodee liorish shen er nyn byshooney:

Hebrewnee 13:9

Ny bee-jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

1 Peddyr 5:12

Liorish Silvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

2 Peddyr 3:14

Shen-y-fa, chaarjyn, fakin dy vel shiu jerkal rish lheid ny reddyn, bee-jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 2:28

As nish, chloan veggey, tannee-jee aynsyn: tra hig eh kionfenish, dy vod dunnallys ’ve ain, as nagh bee mayd er nyn goyrt gys nearey ec y cheet echey.

2 Ean 1:9

Quoi-erbee ta treigeil, as nagh vel tannaghtyn ayns ynsagh Chreest, cha vel Jee echey: eshyn ta tannaghtyn ayns ynsagh Chreest, t’echey chammah yn Ayr as y Mac.