Jannoo 13:41 - Yn Vible Casherick 1775 1819

⁴¹ Cur-jee my-ner, shiuish ghannidee, gow-jee yindys, as jean-jee cherraghtyn: son ta mish gobbraghey obbyr ayns ny laghyn euish, obbyr nagh jean shiu er aght erbee y chredjal, ga dy beagh eh er ny hickyraghey diu.

Yn Conaant Noa 1810

⁴¹ Cur‐jee my‐ner, shiuish ghan‐nidee, gow‐jee yindys, as jean‐jee cherraghtyn: son ta mish gobbraghey obbyr ayns ny laghyn, euish, obbyr nagh jean shiu er aght erbee y chredjal, ga dy beagh eh ny hickyraghey diu.

Jannoo 13:41 ပူးပေါင်းရင်းမြစ်များ

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Isaiah 5:24

Shen-y-fa myr ta’n aile stroie yn stubble, as y lossey stroie yn coau, myr shen bee yn fraue oc myr loauid, as hed y blaa oc seose myr y joan; son dy vel ad er n’yiooldey rish leigh Chiarn ny flaunyssee, as dy vel ad er hoiaghey beg jeh goo Yee casherick Israel.

Isaiah 65:15

As faagee shiu nyn ennym son mollaght da my vooinjer reiht: son nee yn Chiarn uss y stroie, as cowree eh e harvaantyn liorish ennym elley:

Ezekiel 33:9

Ny-yeih, my ver uss raaue da’n vee-chrauee, dy hyndaa eh veih e ghrogh raad: mannagh jyndaa eh veih e raad, yiow eh baase ayns e vee-chairys, agh t’ou uss er livrey dty annym hene.

Habakkuk 1:5

Cur-jee my-ner shiuish ta mastey ny ashoonee, as gow-jee tastey as yindys mooar: son neem’s obbyr y chooilleeney ayns ny laghyn euish, nagh jean shiu credjal, ga dy bee eh er ny hickyraghey diu.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 23:35

As va’n pobble nyn shassoo cur-my-ner: as mâroo ren ny fir-reill myrgeddin gannidys er, as gra, Haue eh feallagh elley; lhig da eh-hene y hauail my she Creest fer reiht Yee eh.

Jannoo 13:47

Son shen myr ta’n Chiarn er chur sarey dooin, gra, Ta mee er hoiaghey oo seose dy ve dty hoilshey da ny Ashoonee, as dy ve son saualtys gys ardjyn sodjey magh y thallooin.

Jannoo 22:21

As dooyrt eh rhym, Immee royd: son ver-ym’s oo er chaghteraght foddey veih shoh gys ny Ashoonee.

Jannoo 3:23

As hig eh gy-kione, dy bee dy chooilley annym nagh der geill da’n phadeyr shen, er ny stroie veih mastey yn pobble.

Jannoo 6:14

Son ta shin er chlashtyn eh gra, dy jean Yeesey shoh dy Nazareth yn ynnyd shoh y stroie, as ny oardaghyn y chaghlaa ren Moses y livrey dooin.

1 Thessalonianee 2:16

Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

1 Peddyr 4:17

Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?