Jannoo 13:36 - Yn Vible Casherick 1775 1819

³⁶ Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Yn Conaant Noa 1810

³⁶ Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Jannoo 13:36 ပူးပေါင်းရင်းမြစ်များ

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

2 Samuel 7:12

As tra vees dty laghyn ec kione, as oo-hene cadley marish dt’ayraghyn, neem’s dty luight y hoiaghey seose dty yeï, hig magh ass dty veeghyn, as neem’s y reeriaght echeysyn y niartaghey.

1 Reeaghyn 2:10

Myr shen ren David cadley marish e ayraghyn, as v’eh oanluckit ayns ard-valley Ghavid.

1 Recortyssyn 11:2

As marish shoh cha voddey er-dy-henney, eer tra va Saul ny ree, uss v’eh, hie magh as stiagh roish Israel ayns caggey: as rhyt’s dooyrt y Chiarn dty Yee, Uss nee bochillagh my phobble Israel, as uss nee reill harrish my phobble Israel.

1 Recortyssyn 17:11

As hig eh gy-kione, tra, vees jerrey er dty laghyn, as dy bee oo er dty haglym gys dty ayraghyn, dy drog-ym seose dty luight dty yeï, hig jeh dty vec; as neem’s y reeriaght echeysyn y hickyraghey.

1 Recortyssyn 18:14

Myr shoh ren David reill harrish ooilley Israel, rheynn briwnys as cairys kiart, er ooilley e phobble.

1 Recortyssyn 29:28

As hooar eh baase ayns shenn eash vie, bannit lesh laghyn liauyrey, berchys, as ooashley: as ren Solomon e vac reill ny ynnyd.

2 Recortyssyn 12:16

As ren Rehoboam cadley marish e ayraghyn, as v’eh oanluckit ayns ard-valley Ghavid, as ren Abijah e vac reill ayns e ynnyd.

2 Recortyssyn 21:1

Nish chaddil Jehoshaphat marish e ayraghyn, as v’eh oanluckit marish e ayraghyn ayns ard-valley Ghavid: as ren Jehoram e vac reill ayns e ynnyd.

2 Recortyssyn 26:23

Myr shoh chaddil Uzziah marish e ayraghyn, as doanluck ad eh marish e ayraghyn ’sy vagher-oanluckee va lesh ny reeaghyn; son dooyrt ad, T’eh ny lourane: as ren Jotham e vac reill ayns e ynnyd.

2 Recortyssyn 9:31

As ren Solomon cadley marish e ayraghyn, as v’eh oanluckit ayns ard-valley Ghavid e ayr. As ren Rehoboam e vac reill ayns e ynnyd.

Lioar Yob 17:14

Ta mee er ghra rish loauid, Uss my ayr: rish y veishteig, Uss my voir as my huyr.

Lioar Yob 21:26

Nee ad lhie sheese co-laik ’sy joan, as coodee ny beishteigyn ad.

Psalmyn 49:14

T’ad lhie ’syn oaie myr kirree ta’n baase caigney orroo, as bee reill ec y sleih cairal harrystoo ’sy voghrey: hed yn aalid oc mow ayns yn oaie ass ny cummallyn oc.

Psalmyn 49:9

Ga dy beagh eh foddey bio: as gyn yn oaie y akin.

Noo Mian 25:16

Eisht hie yn fer v’er gheddyn ny queig talentyn, as ren eh dellal lhieu, as chossyn eh queig talentyn elley.

Noo Ean 11:39

Dooyrt Yeesey, Scugh-jee yn chlagh. Dooyrt Martha shuyr y varroo rish, Hiarn, ta nish soar trome jeh: son t’eh er ve kiare laa marroo.

Jannoo 13:22

As tra v’eh er scughey eshyn, hoie eh David seose dy ve nyn ree; gymmyrkey feanish lesh myrgeddin as gra, Ta mee er gheddyn magh David mac Jesse, dooinney lurg my chree hene, nee cooilleeney ooilley my aigney.

Jannoo 2:29

Gheiney as vraaraghyn, lhig dou lesh nyn gied loayrt riu mychione yn patriarch David ta chammah marroo as oanluckit, as dy vel yn oaie echey ry-akin gys y laa t’ayn jiu.

Jannoo 20:27

Son cha vel mee er haghney dy hoilshaghey diu slane coyrle Yee.

Jannoo 7:60

As ghlioon eh sheese, as deïe eh lesh ard-choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Jannoo 8:1

As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v’ad ooilley er nyn skeayley magh trooid cheeraghyn Yudea as Samaria, cheu-mooie jeh ny ostyllyn.

1 Corinthianee 15:18

Eisht t’adsyn myrgeddin ta nyn gadley ayns Creest, er jerraghtyn.

1 Corinthianee 15:6

Ny lurg shen v’eh er ny akin liorish ny smoo na queig cheead braar ec yn un cheayrt: jeu ta’n ayrn smoo er-mayrn gys y traa t’ayn: agh ta paart er duittym nyn gadley.

1 Thessalonianee 4:13

Agh cha baillym shiu ve mee-hushtagh, vraaraghyn, mychione ocsyn ta nyn gadley, nagh bee shiu trimshagh, dy jarroo myr feallagh elley ta fegooish treishteil.