Jannoo 13:34 - Yn Vible Casherick 1775 1819

³⁴ As mychione dy hrog eh seose eh veih ny merriu, as nagh row eh arragh dy hyndaa gys loauid, dooyrt eh er yn aght shoh, Ver-yms diu myghinyn shickyr Ghavid.

Yn Conaant Noa 1810

³⁴ As mychione dy hrog eh seose eh veih ny merriu, as nagh row eh arragh dy hyndaa gys loauid, dooyrt eh er yn aght shoh, Ver‐yms diu myghinyn shickyr Ghavid.

Jannoo 13:34 ပူးပေါင်းရင်းမြစ်များ

2 Samuel 23:5

Ga nagh vel my hie’s agh fardalagh roish Jee; ny-yeih t’eh er n’yannoo rhym conaant beayn, er ny oardrail dy kiart as dy shickyr ayns dy chooilley nhee: son aynsyn ta my haualtys, as ooilley my yeearree, ga nagh jig eh chelleeragh.

Isaiah 55:3

Croym-jee nyn gleaysh, as tar-jee hym’s; clasht-jee, as bee yn annym eu bio; as nee’m conaant dy bragh farraghtyn riu, dy jarroo myghinyn shickyr Ghavid.

Jeremiah 30:9

Agh shirveishee ad yn Chiarn y Jee oc hene, as David nyn ree, eshyn trog-yms seose daue.

Jeremiah 33:26

Eisht jioold-yms rish sluight Yacob, as David my harvaant, myr shen nagh goym’s veg jeh’n chynney shen dy ve reiltee harrish sluight Abraham, Isaac, as Jacob: son ver-yms chyndaa da’n chappeeys oc, as bee’m myghinagh daue.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Amos 9:11

’Sy laa shen trog-ym seose cabbane-agglish Ghavid, ta er duittym, as slaanee-ym ny brishaghyn echey, as nee’m lhiasaghey reesht ny asseeyn t’ayn, as trog-ym eh seose myr ve ayns laghyn y chenn earish:

Zechariah 12:8

Nee’n Chiarn ayns y laa shen fendeil cummaltee Yerusalem: as bee eshyn ta faase ny-vud oc ’sy laa shen goll-rish David; as bee thie Ghavid goll-rish Jee, as myr ainle y Chiarn goll rhymboo.

Jannoo 13:30

Agh hrog Jee seose eh veih ny merriu:

Jannoo 13:33

Kys dy vel Jee er n’yannoo shen mie dooinyn yn chloan oc, ayns dy vel eh er hroggal seose Yeesey reesht; myr te myrgeddin scruit ayns yn nah psalm, Oo my vac, jiu ta mee er dty gheddyn.

Jannoo 13:37

Agh eshyn hrog Jee seose reesht, cha vaik eh loauid.

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.

Romanee 6:9

Toiggal, nagh vel Creest, myr t’eh er n’irree veih ny merriu, dy gheddyn baase arragh; cha vel pooar erbee sodjey ec y vaase harrish.