Jannoo 13:29 - Yn Vible Casherick 1775 1819

²⁹ As tra v’ad er chooilleeney ooilley ny va scruit jeh, ghow ad eh neose jeh’n villey, as doanluck ad eh ayns lhiaght.

Yn Conaant Noa 1810

²⁹ As tra v’ad er chooilleeney ooilley ny va scruit jeh, ghow ad eh neose jeh’n villey, as doanluck ad eh ayns lhiaght.

Jannoo 13:29 ပူးပေါင်းရင်းမြစ်များ

Noo Mark 15:42

As nish tra va’n fastyr er jeet (er-yn-oyr dy nee traa yn aarlaghey ve, ta shen, yn laa roish yn doonaght.)

Noo Luke 23:50

As cur-my-ner va dooinney va enmyssit Joseph, va ny er-coyrlee, as ny ghooinney mie as cairagh:

Noo Luke 23:53

As ghow eh neose eh, as hoïll eh eh ayns aanrit, as doanluck eh eh ayns oaie va cleight ayns creg, raad nagh row rieau dooinney oanluckit roïe.

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my-mychione’s.

Noo Ean 19:28

Ny lurg shoh, son dy row fys ec Yeesey dy row dy chooilley nhee nish cooilleenit, dy voddagh y scriptyr ve jeant mie, dooyrt eh, Ta mee paagh.

Noo Ean 19:30

Tra va Yeesey er-y-fa shen er ghoaill y vinegar, dooyrt eh, Te cooilleenit: as chroym eh e chione, as phaart eh.

Jannoo 13:27

Son cummaltee Yerusalem, as ny fir-reill oc, son nagh dug ad tastey dasyn, ny foast da goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.

Jannoo 2:23

Eshyn va currit diu liorish oardagh ro-laue as fysseree Yee, ta shiuish er ghoaill, as lesh laueyn mee-chrauee er chrossey as er varroo.

Jannoo 26:22

Lesh y cooney er-y-fa shen hooar mee veih Jee, ta mee er-mayrn gys y laa t’ayn jiu, gymmyrkey feanish chammah gys beg as mooar, fegooish nhee erbee sodjey y ghra na dooyrt ny phadeyryn as Moses harragh gy-kione:

Jannoo 4:28

Dy yannoo cre-erbee va dty laue as dty choyrle kiarit ro-laue dy yannoo.

Jannoo 5:30

Ta Jee ny hayraghyn ain er hroggal seose Yeesey, ren shiuish y varroo as y chroghey er billey.

1 Corinthianee 15:4

As dy row eh oanluckit, as dy dirree eh reesht yn trass laa cordail rish ny scriptyryn: