Jannoo 13:17 - Yn Vible Casherick 1775 1819

¹⁷ Ren Jee yn pobble shoh Israel ny ayraghyn ain y reih, as soiaghey mooar jeh’n pobble tra v’ad er nyn yoarreeaght ayns cheer Egypt, as lesh laue niartal hug eh lesh ad magh ass Egypt.

Yn Conaant Noa 1810

¹⁷ Ren Jee yn pobble shoh Israel ny ayraghyn ain y reih, as soiaghey mooar jeh’n pobble tra v’ad er nyn yoarreeaght ayns cheer Egypt, as lesh laue niartal hug eh lesh ad magh ass Egypt.

Jannoo 13:17 ပူးပေါင်းရင်းမြစ်များ

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Exodus 12:51

As haink eh gy-kione er yn eer laa cheddin, dy dug y Chiarn lesh cloan Israel magh ass cheer Egypt, liorish nyn sheshaghtyn-caggee.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Exodus 13:16

As bee shoh son cowrey er dty laue, as son cooinaghtyn roish dty hooillyn: son lesh laue lajer hug y Chiarn lesh shin magh ass Egypt.

Exodus 14:8

As ren y Chiarn cree Pharaoh ree Egypt y chreoghey, as hie eh er-eiyrt’s cloan Israel: as hie cloan Israel er nyn doshiaght rhymboo lesh laue ard.

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Isaiah 44:1

Agh eaisht nish, O Yacob my harvaant, as Israel ta mee er reih:

Amos 2:10

Myrgeddin hug mee lhiam shiu seose veih thalloo Egypt, as leeid mee shiu da-eed bleïn trooid yn aasagh, dy ghoaill diu hene thalloo yn Amorite.

Micah 6:4

Son hug mee lhiam oo seose ass cheer Egypt, as ren mee oo y livrey ass thie ny bondiaght, as hug mee oo fo laue Voses, Aaron, as Miriam.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 4:20

Agh ta’n Chiarn er ghoaill shiu, as er choyrt lesh shiu magh ass y choirrey yiarn, dy jarroo ass Egypt, dy ve son pobble dy eiraght da hene, myr ta shiu yn laa jiu.

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

Deuteronomy 4:37

As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:

Deuteronomy 7:19

Ny prowallyn mooarey honnick dty hooillyn, as ny cowraghyn, as ny yindyssyn, as y laue niartal, as y roih sheeynt magh, lhieu ren y Chiarn dty Yee uss y chur lesh magh: y lheid cheddin nee’n Chiarn y Jee ayd’s rish dy chooilley ashoon, roue ta aggle ort.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Samuel 4:8

Smerg dooin! quoi nee shin y livrey ass laue ny Jeeghyn niartal shoh? ad shoh ny Jeeghyn woaill ny Egyptianee lesh whilleen kerraghey ’syn aasagh.