Jannoo 13:11 - Yn Vible Casherick 1775 1819

¹¹ As nish cur-my-ner, ta laue yn Chiarn ort, as bee oo doal, cha vaik oo yn ghrian son earish. As chelleeragh huitt kay as dorraghys er; as hie eh mygeayrt rasey shirrey peccagh dy gholl ny chione.

Yn Conaant Noa 1810

¹¹ As nish cur‐my‐ner, ta laue yn Chiarn ort, as bee oo doal, cha vaik oo yn ghrian son earish. As chelleeragh huitt kay as dorraghys er; as hie eh mygeayrt râsey shirrey peccagh dy gholl ny chione.

Jannoo 13:11 ပူးပေါင်းရင်းမြစ်များ

Genesis 19:11

As woaill ad ny deiney v’ec dorrys y thie lesh dellid, chammah beg as mooar: myr shen dy ren ad skee jeu hene dy gheddyn y dorrys.

2 Reeaghyn 6:8

Eisht ren ree Syria caggey noi Israel, as ghow eh coyrle marish ny fir-oik echey, gra, Ayns lheid as lheid yn ynnyd vees my champ.

Lioar Yob 19:21

Gow-jee chymmey jee’m, gow-jee chymmey jee’m, O shiuish my chaarjyn; son ta laue Yee er ventyn rhym.

Psalmyn 32:4

Son ta dty laue trome orrym laa as oie: as ta soo my chorp myr chyrmagh-loshtee yn tourey.

Psalmyn 38:2

Son ta dty hideyn soit dy shickyr aynym: as ta dty laue lhie orrym dy trome.

Exodus 9:3

Cur-my-ner, ta laue’n Chiarn er dty ollagh ta ’sy vagher, er ny cabbil, er ny assylyn, er ny camelyn, er ny dew, as er ny kirree; bee murran feer dewil.

Isaiah 29:10

Son ta’n Chiarn er gheayrtey magh erriu yn spyrryd dy chadley dowin, as er yeigh ny sooillyn eu: ny phadeyryn as ny fir-reill eu, ny fakyderyn, t’eh er choodaghey lesh dorraghys.

Noo Ean 9:39

As dooyrt Yeesey, Son briwnys haink mish gys y theihll shoh: dy vod adsyn nagh vel fakin, fakin; as adsyn ta fakin, dy vod ad v’er nyn yannoo doal.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 11:25

Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Hebrewnee 10:31

Te red agglagh dy huittym ayns laueyn y Jee bio.

2 Peddyr 2:17

T’ad shoh chibbraghyn fegooish ushtey, bodjallyn eebrit lesh dorrin, nyn gour ta’n chay dy ghorraghys freilt er son dy bragh.

1 Samuel 5:11

Myr shen hug ad fys, as haggil ad ooilley chiarnyn ny Philistinee, as dooyrt ad, Cur-jee ersooyl arg Yee Israel, as lhig da goll reesht gys e ynnyd hene, nagh jean eh shin hene, as y pobble ain y stroie: son va cragh baaish trooid ooilley’n ard-valley; va laue Yee feer trome orroo.

1 Samuel 5:9

As ve myr shen, lurg daue ve er choyrt lhieu eh mygeayrt, dy row laue’n Chiarn noi’n ard-valley lesh paitt trome: as woaill eh deiney’n ard-valley, chammah beg as mooar, as va bleaynyn oc ayns nyn gurpyn.