Jannoo 13:10 - Yn Vible Casherick 1775 1819

¹⁰ As dooyrt eh, O uss ta lane jeh dy chooilley chialgeyrys as dy olkys, vac Noid-ny-hanmey, noid dy chooilley chairys, nagh n’aag oo jeh dy chassey raaidyn jeeragh y Chiarn?

Yn Conaant Noa 1810

¹⁰ As dooyrt eh, O uss ta lane jeh dy chooilley chialgeyrys as dy olkys, vac noid ny hanmey, noid dy chooilley chairys, nagh naag oo jeh dy chassey raaidyn jeeragh y Chiarn?

Jannoo 13:10 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

2 Recortyssyn 17:6

As myr va e chree soit dy jeean er raaidyn y Chiarn, ghow eh ersooyl ny ard-ynnydyn, as keylljyn ny jallooyn ass Judah.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Jeremiah 23:36

As errey yn Chiarn cha jean shiu genmys arragh; son bee goan dagh dooinney yn errey echey hene: son ta shiu er chaghlaa goan y Jee bio, Chiarn ny sheshaghtyn flaunyssagh, yn Jee ainyn.

Hosea 14:9

Quoi ta creeney, as nee eh toiggal ny reddyn shoh? toiggalagh, as yiow eh fys orroo? son ta raaidyn y Chiarn jeeragh, as nee’n vooinjer ynrick gimmeeaght ayndoo: agh nee ny mee-viallee cherraghtyn lioroo.

Noo Mian 13:38

Yn magher yn seihll: yn rass mie cloan y reeriaght: agh y coggyl cloan y drogh-er:

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Mian 23:13

Agh smerg diuish scrudeyryn as Phariseeyn, chrauee-oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Noo Luke 11:39

As dooyrt y Chiarn rish, Nish ta shiuish Phariseeyn glenney yn cappan as y claare er cheu-mooie: agh ta’n cheu-sthie eu lane dy hranlaase as dy olkys.

Noo Luke 11:52

Smerg diu fir-ynsee yn leigh: son ta shiu er ghoaill ersooyl ogher yn ysseree: cha jagh shiu stiagh shiu hene, as adsyn va goll stiagh, ren shiu y lhiettal.

Noo Ean 1:23

Dooyrt eh, Mish coraa fer fockley-magh ayns yn aasagh, Kiartee-jee raad y Chiarn, myr dooyrt y phadeyr Esaias.

Noo Ean 8:44

Ta shiuish jeh’n ayr eu yn drogh-spyrryd, as saynt nyn ayrey ver shiu rish: v’eshyn ny ghunver er-dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir-eiyrtee.

2 Corinthianee 11:3

Agh ta aggle orrym, myr ren yn ard-nieu Aue y volley liorish e chialgyn, myr shen dy beagh ny aignaghyn euish liorish saaseyn erbee er nyn gleaynaghey veih’n ônid shen t’ayns Creest.

Galatianee 1:7

Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Ephesianee 4:14

Nagh bee mayd maghey shoh nyn gloan leaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cluicagh, lhieu t’ad lhie cooyl-chlea er-chee dy volley:

2 Peddyr 2:15

T’er dreigeil yn raad cair, as er n’gholl er-shaghryn, geiyrt da raad Balaam mac Bosor, hug saynt da’n leagh dy neu-ynrickys;

1 Ean 3:8

Eshyn ta jannoo peccah, t’eh jeh’n drogh-spyrryd; son ta’n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.