Jannoo 12:23 - Yn Vible Casherick 1775 1819

²³ As chelleeragh woaill ainle y Chiarn eh, er-yn-oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.

Yn Conaant Noa 1810

²³ As chelleeragh woaill ainle y Chiarn eh, er‐yn‐oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.

Jannoo 12:23 ပူးပေါင်းရင်းမြစ်များ

2 Reeaghyn 19:35

As haink eh gy-kione ayns yn oie cheddin, dy jagh ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad shoh ooilley nyn girp marroo.

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Lioar Yob 19:26

As ga, lurg my chrackan, dy der ny beishteigyn mow yn corp shoh, ny-yeih ayns my eill neem’s Jee y akin:

Lioar Yob 7:5

Ta my eill coodit lesh beishteigyn as crammanyn ooir; ta my chrackan shirgit as dwoaiagh.

Psalmyn 115:1

Cha nee dooinyn, O Hiarn, cha nee dooinyn, agh da dt’Ennym cur yn moylley: son dty vyghin ghraihagh, as er coontey dt’ynrickys.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Exodus 12:12

Son hem’s trooid cheer Egypt yn oie noght; as nee’m bwoalley ooilley’n chied er ny ruggey ayns cheer Egypt, chammah dooinney as baagh: as noi ooilley jeeghyn Egypt neem’s briwnys y chooilleeney: mish y Chiarn.

Exodus 12:23

Son hed y Chiarn trooid dy woalley ny Egyptianee; as tra hee eh yn uill er yn ard-dorrys, as er y daa essyn, nee’n Chiarn goll shaghey yn dorrys shen, as cha jean eh surranse yn stroider dy heet stiagh ayns ny thieyn euish, dy nyn mwoalley.

Exodus 12:29

As haink eh gy-kione, ec y vean-oie, dy ren y Chiarn bwoalley lesh baase ooilley’n chied-ruggit ayns cheer Egypt, veih’n chied-ruggit jeh Pharaoh, va soie er e stoyl-reeoil, gys y chied-ruggit jeh’n chappee va ’sy phryssoon; as ooilley’n chied er ny vrey jeh’n ollagh.

Exodus 9:17

Myr t’ou foast goaill ort dy yannoo tranlaase er my phobble, nagh lhig oo yn raad daue:

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Isaiah 14:11

Ta dty voyrn lhieggit sheese gys yn oaie, as kiaull dty violyn: ta ny beishteigyn er nyn skeayley foyd, as ta ny dhianeyn dy dty choodaghey.

Isaiah 37:23

Quoi shen t’ou uss er oltooaney, as er loayrt goan mollaghtagh n’oï? as quoi n’oï t’ou er n’ockley magh dty choraa, as dy mooaralagh er hroggal dty hooillyn? eer noi Jee casherick Israel.

Isaiah 51:8

Son nee’n lhemeen ad y rassey myr garmad, as nee yn veishteig ad y ee myr ollan: agh bee my ynrickys er son dy bragh, as my haualtys veih sheeloghe gys sheeloghe.

Isaiah 66:24

As hed ad magh, dy yeeaghyn er kirp marroo ny deiney t’er n’irree-magh m’oï; son cha vow yn veishteig oc baase, chamoo vees yn aile oc er ny vooghey; as bee ad dwoaiagh da dy chooilley chretoor.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 28:9

Jean oo foast gra kiongoyrt rishyn ta stroie oo, Ta mish my Yee? agh she dooinney vees oo, as cha nee Jee ’sy laue echeysyn ta dy stroie oo.

Jannoo 12:22

As dyllee yn pobble, She coraa Yee t’ayn, as cha nee coraa dooinney.

Jannoo 5:19

Agh doshil ainle y Chiarn dorryssyn y phryssoon ayns yn oie, as hug eh lesh ad magh, as dooyrt eh,

2 Thessalonianee 2:4

Quoi ta soiaghey eh-hene seose noi, as troggal eh-hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

1 Samuel 25:38

As haink eh gy-kione mysh jeih laa ny lurg, dy lhie’n Chiarn e laue er Nabal, dy dooar eh baase.