Jannoo 11:23 - Yn Vible Casherick 1775 1819

²³ As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Yn Conaant Noa 1810

²³ As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 11:23 ပူးပေါင်းရင်းမြစ်များ

2 Reeaghyn 18:6

Son ren eh lhiantyn gys y Chiarn, as cha hreig eh e raaidyn, agh dreill eh ny annaghyn va’n Chiarn er harey liorish Moses.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Raaghyn Creeney 23:15

My vac, my ta creenaght ayns dty chree, gowee my chree’s boggey, eer my chree hene.

Raaghyn Creeney 23:28

T’ee myrgeddin soie cooyl-chlea myr son spooilley, as bishaghey drogh-yantee mastey deiney.

Daniel 1:8

Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Mark 2:5

Tra hug Yeesey tastey da’n chredjue oc, dooyrt eh rish y dooinney ching, Vac, ta dty pheccaghyn er nyn leih dhyt.

Noo Ean 15:4

Jean-jee tannaghtyn aynym’s, as mish ayndiuish. Myr nagh vod y banglane mess y ymmyrkey jeh hene, mannagh vel eh tannaghtyn ayns y villey-feeyney: chamoo oddys shiuish, mannagh jean shiu tannaghtyn aynym’s.

Jannoo 13:43

As erreish da’n chaglym-cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 14:26

As veih shen ghow ad lhuingys gys Antioch, voish v’ad er ve chymnit gys grayse Yee, son yn obbyr v’ad dy chooilleeney.

Jannoo 15:40

As reih Paul Silas, as jimmee eh roish, erreish da v’er ny hymney gys grayse Yee liorish ny braaraghyn.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

1 Corinthianee 15:58

Shen-y-fa, my chaarjyn graihagh, shass-jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 1:17

Tra va mee eisht ’syn aigney shoh, row mee er daa ockle? ny shen ta mee kiarail dy yannoo, vel foym dy yannoo eh er oyryn seihltagh, mârym’s dy beagh she, she, as cha nee, cha nee?

2 Corinthianee 6:1

Ta shinyn eisht, myr fir-choonee mârishyn, guee erriuish myrgeddin, nagh jean shiu grayse Yee y ghoaill ayns fardail:

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin ayndiuish, er-dyn laa cheayll shiu jeh, as hoig shiu grayse Yee ayns firrinys.

2 Timothy 3:10

Agh t’ou uss dy slane er hoiggal my ynsagh, my aght-baghee, my chiarail, my chredjue, my hurranse-foddey, my ghraih, my veenid,

Joshua 22:5

Agh bee-jee feer chiaralagh dy chooilleeney’n sarey as y leigh, hug Moses sharvaant y Chiarn ayns currym diu, dy chur graih da’n Chiarn nyn Yee, as dy immeeaght ayns ooilley e raaidyn, as dy reayll e annaghyn, as dy lhiantyn huggey, as dy hirveish eh lesh ooilley nyn gree as lesh ooilley nyn annym.

Joshua 23:8

Agh freill-jee firrinagh gys y Chiarn y Jee eu myr ta shiu er n’yannoo gys y laa t’ayn jiu.

1 Peddyr 5:12

Liorish Silvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

1 Ean 2:28

As nish, chloan veggey, tannee-jee aynsyn: tra hig eh kionfenish, dy vod dunnallys ’ve ain, as nagh bee mayd er nyn goyrt gys nearey ec y cheet echey.

3 Ean 1:4

Cha vel boggey smoo aym na dy chlashtyn dy vel my chloan gimmeeaght ayns yn irriney.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.