Jannoo 11:18 - Yn Vible Casherick 1775 1819

¹⁸ Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Yn Conaant Noa 1810

¹⁸ Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 11:18 ပူးပေါင်းရင်းမြစ်များ

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 60:21

Bee dty phobble myrgeddin ooilley ynrick: bee yn cheer oc son eiraght beayn, banglane my hoiaghey, my obbyr-lauee hene, dy voddym’s v’er my ghloyraghey.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Ezekiel 36:26

Cree noa myrgeddin ver-yms ayndiu, as spyrryd noa ver-ym er cheu-sthie j’iu, as nee’m goaill ersooyl yn cree cloaie glen ass nyn eill, as ver-ym diuish cree meen-foalley,

Ezekiel 47:22

As hig eh gy-kione, dy jean shiu y rheynn eh lesh lottyn son eiraght diuish, as da ny joarreeyn ta baghey ny mast’ eu, as cloan oc nyn mastey: as bee adsyn diuish myr ruggit ayns y cheer, mastey cloan Israel, bee eiraght oc mêriu fud kynneeyn Israel.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Jannoo 11:1

As cheayll ny ostyllyn as ny braaraghyn va ayns Judea, dy row ny Ashoonee er ghoaill rish goo Yee.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee-chraueeaght.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Romanee 9:30

Cre jir mayd eisht? Dy vel ny Ashoonee nagh ren geiyrt er cairys, er roshtyn gys cairys, dy jarroo yn chairys ta liorish credjue:

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.

Galatianee 1:24

As ren ad Jee y ghloyraghey er my lieh.

Joshua 22:30

As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.