Jannoo 11:1 - Yn Vible Casherick 1775 1819

¹ As cheayll ny ostyllyn as ny braaraghyn va ayns Judea, dy row ny Ashoonee er ghoaill rish goo Yee.

Yn Conaant Noa 1810

¹ As cheayll ny ostyllyn as ny braaraghyn va ayns Judea, dy row ny Ashoonee er ghoaill rish goo Yee.

Jannoo 11:1 ပူးပေါင်းရင်းမြစ်များ

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 32:15

Derrey vees y Spyrryd er ny gheayrtey orrym veih’n yrjid, as dy bee yn aasagh magher messoil, as y magher messoil dy ve myr keyll.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 42:6

Mish y Chiarn t’er n’eamagh ort ayns ynrickys; as goym oo er y laue, as freill-ym oo, as ver-ym oo son conaant da’n pobble, son soilshey da ny ashoonee;

Isaiah 49:6

As dooyrt eh, S’aashagh te dhyt dy ve my harvaant, dy hroggal seose sheelogheyn Yacob, as dy hyndaa reesht cloan sauchey Israel; ver-yms oo myrgeddin dy ve son soilshey da ny ashoonyn, dy vod oo ve my haualtys gys ny ardjyn sodjey magh jeh’n theihll.

Isaiah 52:10

Ta’n Chiarn er roostey e roih casherick ayns shilley ooilley ny ashoonee; as nee dy chooilley ard sodjey magh jeh’n theihll cur-my-ner saualtys yn Jee ain.

Isaiah 60:3

As hig ny ashoonee gys dty hoilshey, as reeaghyn gys sollyssid dty voghrey.

Isaiah 62:2

As ver ny ashoonee my-ner dty ynrickys, as dy chooilley ree dty ghloyr: as bee oo cowrit liorish ennym noa, nee beeal y Chiarn genmys.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Hosea 2:23

As cuirr-ym ee dou hene ’sy thalloo; as bee myghin aym urreeish, nagh row er chosney myghin: as jir-ym roosyn nagh vel my phobble, T’ou uss my phobble: as jir adsyn, T’ou uss my Yee.

Micah 5:7

As bee sluight Yacob ayns mean ymmodee pobble, myr y druight veih yn Chiarn, myr ny frassyn er y faiyr, nagh vel lurg aigney dooinney, ny fieau son mec deiney.

Zephaniah 2:11

Bee yn Chiarn atchimagh daue: son ver eh naardey ooilley jeeghyn y thallooin; as nee deiney eshyn y ooashlaghey, dy chooilley unnane ’syn ynnyd hene, dy jarroo ooilley ellanyn ny ashoonee.

Zephaniah 3:9

Son eisht ver-yms da’n pobble glare ghlen, dy vod ad ooilley geamagh er ennym y Chiarn, dy hirveish eh lesh un aigney.

Zechariah 2:11

As bee ymmodee ashoonee ayns y laa shen er ny lhiantyn gys y Chiarn, as bee ad my phobble: as neem’s cummal ayns y vean ayd’s, as bee fys ayd, dy vel Chiarn ny flaunyssee er my choyrt hood’s.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Mian 2:1

Nish tra rug Yeesey ayns Bethlehem dy Yudea, rish lhing ree Herod, cur-my-ner haink deiney-creeney veih’n shiar gys Jerusalem,

Noo Mian 8:11

As ta mee gra riu, dy jig ymmodee veih yn niar as veih yn neear, as dy soie ad sheese marish Abraham, as Isaac, as Jacob, ayns reeriaght niau.

Noo Mark 16:5

As hie ad stiagh ayns yn oaie, as honnick ad dooinney aeg ny hoie er y cheu yesh, coamrit ayns coamrey liauyr gial: as v’ad agglagh.

Noo Luke 2:32

Soilshey dy hoilshean er ny Ashoonee, as gloyr dty phobble Israel.

Jannoo 1:15

As ayns ny laghyn shen hass Peddyr seose mastey fir-eiyrtee [Yeesey] as dooyrt eh, (va earroo ny henmyn cooidjagh mysh shey-feed.)

Jannoo 11:29

Eisht ghow ny Creesteenyn ayns laue, dy chooilley ghooinney gys rere e phooar, dy chur cooney gys ny braaraghyn va baghey ayns Judea.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 28:15

As veih shen, tra cheayll ny braaraghyn j’in, haink ad magh nyn guail choud as Appii-forum, as ny Three thieyn-oast: as tra honnick Paul ad, hug eh booise da Jee, as ghow eh dunnallys.