Jannoo 10:4 - Yn Vible Casherick 1775 1819

⁴ As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Yn Conaant Noa 1810

⁴ As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Jannoo 10:4 ပူးပေါင်းရင်းမြစ်များ

2 Recortyssyn 32:24

Lurg ny laghyn shoh va Hezekiah ching as raad y vaaish, as ghow eh padjer gys y Chiarn: as cheayll Jee eh, as hug eh cowrey da.

2 Recortyssyn 6:33

Eisht jean uss clashtyn veih ny niaughyn, eer veih dt’ynnyd-vaghee, as jean cordail rish ooilley ny ta’n joarree jannoo aghin hood er y hon; dy vod ooilley sheelnaue enney y choyrt er dt’ennym, as aggle ’ghoaill royd, myr ta dty phobble Israel, as dy vod fys ’ve oc dy vel y thie shoh ta mish er hroggal, enmyssit lurg dt’ennym:

Psalmyn 141:2

Lhig da my phadjer v’er ny hebbal ayns dt’enish myr yn incense: as lhig da troggal seose my laueyn ’ve myr oural yn astyr.

Psalmyn 20:3

Dy gooinee eh er ooilley dty hebballyn: as soiaghey jeh dty ourallyn-losht.

Isaiah 43:26

Tayrn mee gys cooinaghtyn: lhig dooin pleadeil ry-cheilley: soilshee dty chooish, my oddys oo v’er dty heyrey.

Isaiah 45:19

Cha vel mee er loayrt dy follit, ayns corneil dorraghey jeh’n theihll: cha dooyrt mee rish sluight Yacob, Shir-jee mee ayns fardail. Mish y Chiarn ta loayrt ynrickys, ta mee soilshaghey magh reddyn cairal.

Daniel 10:11

As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood’s ta mee nish er my choyrt. As tra v’eh er ghra shoh rhym, hass mee er-creau.

Leviticus 2:2

As ver eh lesh shen gys ny saggyrtyn mec Aaron: as nee fer jeu goaill ass lane e ghurn jeh’n flooyr, as jeh’n ooil marish ooilley yn frankincense; as nee’n saggyrt lostey ayrn jeh son cowrey er yn altar, dy ve oural jeant lesh aile gys yn Chiarn.

Malachi 3:16

Eisht loayr adsyn, va goaill aggle roish y Chiarn, dy mennick ry-cheilley, as deaisht y Chiarn, as cheayll eh, as va lioar imraa scruit kiongoyrt rish, er y hon ocsyn va goaill aggle roish y Chiarn, as va gimraa er e ennym.

Noo Mian 26:13

Dy firrinagh ta mee gra riu, Cre theihll y raad vees yn sushtal shoh er ny phreacheil, dy bee shoh myrgeddin ta’n ven shoh er n’yannoo, er ny imraa ayns cooinaghtyn j’ee.

Noo Luke 1:29

As tra honnick ee eh, v’ee seaghnit ec y raa echey, as smooinee ee r’ee hene cre’n monney dy vannaghey va shoh.

Noo Luke 24:5

As myr v’ad ayns aggle, as croymmey sheese lesh nyn eddin gys y thalloo, dooyrt ad roo, Cre’n-fa ta shiu shirrey yn vio mastey ny merriu?

Jannoo 10:31

As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Jannoo 14:9

Cheayll eh shoh Paul loayrt; as yeeagh Paul dy gyere er, as cur-my-ner dy row credjue echey dy ve er ny lheihys,

Jannoo 22:10

As dooyrt mish, Cre nee’m, Hiarn? As dooyrt y Chiarn rhym, Irree, as immee gys Damascus, as ayns shen vees inshit dhyt mychione dy chooilley nhee ta kiarit dhyt dy yannoo.

Jannoo 3:4

As yeeagh Peddyr dy gyere er, myr ren Ean, as dooyrt eh, Jeeagh orrin.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Philippianee 4:6

Ny bee-jee imneagh son nhee erbee: agh ayns dy chooilley nhee liorish padjer as accan lesh toyrt-booise, lhig da ny aghinyn eu ve soilshit da Jee.

Hebrewnee 13:16

Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Ashlish 8:4

As hie bree yn oural-millish marish padjeryn ny nooghyn, seose kiongoyrt rish Jee, veih laue yn ainle.

1 Samuel 3:10

As haink y Chiarn, as deïe eh myr ren eh roïe, Samuel, Samuel. Eisht dreggyr Samuel, Loayr, Hiarn; son ta dty harvaant clashtyn.