Jannoo 10:36 - Yn Vible Casherick 1775 1819

³⁶ Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Yn Conaant Noa 1810

³⁶ Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 10:36 ပူးပေါင်းရင်းမြစ်များ

Psalmyn 45:11

Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.

Psalmyn 45:6

Ta dty hideyn feer virragh, as bee’n pobble er nyn injillaghey hood’s: hed dty hideyn trooid cree noidyn y ree.

Psalmyn 72:7

Ayns y lhing echeysyn nee yn vooinjer chairagh bishaghey: dy jarroo, as palchey dy hee, choud as ta’n eayst farraghtyn.

Isaiah 55:12

Son hed shiu magh lesh boggey, as bee shiu er nyn leeideil ayns shee: nee ny sleityn as ny croink brishey magh ayns kiaulleeaght kiongoyrt riu, as nee ooilley biljyn y vagheragh nyn massyn y woalley.

Isaiah 57:19

Ta mee croo mess ny meillyn; Shee, shee ersyn ta foddey jeh, as ersyn ta er-gerrey, ta’n Chiarn gra; as neem’s eh y lheihys.

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Hosea 1:7

Agh bee myghin aym er thie Yudah, as saue-ym ad liorish y Chiarn y Jee oc; agh cha nee liorish bow, ny liorish cliwe, ny liorish caggey, liorish cabbil, ny liorish markee, nee’m ad y hauail.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Noo Mian 10:6

Agh immee-jee hoshiaght gys kirree-cailjey thie Israel.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Jannoo 10:37

Yn goo shen (ta mee gra) ta fys euish dy row eh er ny hoilshaghey magh trooid ooilley Judea, as dy ghow eh toshiaght veih Galilee, lurg y bashtey ren Ean y phreacheil;

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 13:32

As ta shinyn fockley magh diu yn sushtal gherjoilagh; eer yn gialdyn va jeant da ny ayraghyn,

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu-feeu jeh’n vea veayn, cur-my-ner ta shinyn chyndaa gys ny Ashoonee.

Jannoo 2:36

Shen-y-fa lhig da ooilley lught-thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Romanee 14:9

Son er-y-fa shoh hooar Creest chammah baase, as dirree eh, as vio-ee eh reesht, dy voddagh eh ve Chiarn chammah ny bio as ny merriu.

Romanee 5:1

Shen-y-fa er nyn seyrey liorish credjue, ta shee ain rish Jee, trooid nyn Jiarn Yeesey Creest.

1 Corinthianee 15:27

Son t’eh er choyrt dy chooilley nhee fo e chassyn. Agh tra t’eh gra dy vel dy chooilley nhee er ny choyrt fosyn, te shickyr dy vel shoh er-lhimmey jeh Jee hene ren dy chooilley nhee y choyrt fo.

1 Corinthianee 15:47

Va’n chied dooinney jeh’n thalloo, thallooinagh: ta’n nah ghooinney yn Chiarn veih niau.

Philippianee 2:11

As dy lhisagh dy chooilley hengey goaill-rish dy nee Yeesey Creest yn Chiarn, gys gloyr Yee yn Ayr.

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard-vochilley ny geyrragh, trooid fuill y chonaant dy bragh farraghtyn,

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.