Jannoo 10:31 - Yn Vible Casherick 1775 1819

³¹ As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Yn Conaant Noa 1810

³¹ As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Jannoo 10:31 ပူးပေါင်းရင်းမြစ်များ

Isaiah 38:5

Immee, as abbyr rish Hezekiah, Myr shoh ta’n Chiarn, Jee Ghavid dty ayr, gra, Ta mee er chlashtyn dty phadjer, ta mee er vakin dty yeïr: cur-my-ner, ver-ym gys dty eash queig bleeaney jeig.

Daniel 10:12

Eisht dooyrt eh rhym, Ny bee aggle ort, Ghaniel: son veih yn chied laa dy ren oo soiaghey dty chree dy hoiggal, as dy smaghtaghey oo hene kiongoyrt rish dty Yee, va dty ghoan er ny chlashtyn, as ta mish er jeet er bree dty ghoan.

Daniel 9:23

Ec toshiaght dty aghinyn haink y sarey magh, as ta mish er jeet dy hoilshaghey dhyt, son t’ou ayns ard foayr: shen-y-fa toig yn chooish, as smooinee er yn ashlish.

Leviticus 2:2

As ver eh lesh shen gys ny saggyrtyn mec Aaron: as nee fer jeu goaill ass lane e ghurn jeh’n flooyr, as jeh’n ooil marish ooilley yn frankincense; as nee’n saggyrt lostey ayrn jeh son cowrey er yn altar, dy ve oural jeant lesh aile gys yn Chiarn.

Leviticus 2:9

As nee’n saggyrt goaill veih’n oural-arran sample jeh, as shen y lostey er yn altar: ta shoh oural jeant lesh aile dy hoar millish gys y Chiarn.

Leviticus 5:12

Eisht ver eh lesh eh gys y taggyrt, as nee’n saggyrt goaill lane e ghurn jeh, eer sample jeh, as shen y lostey er yn altar, myr ny ourallyn jeant lesh aile gys y Chiarn: oural-peccah t’ayn.

Noo Luke 1:13

Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Jannoo 10:30

As dooyrt Cornelius, Kiare laa er-dy-henney va mish my hrostey derrey mysh y traa shoh dy laa, as ec yn nuyoo oor ghow mee padjer ayns my hie, as cur-my-ner hass dooinney kiongoyrt rhym ayns coamrey sollys.

Jannoo 10:32

Cur fys er-y-fa shen gys Joppa, dy eamagh er Simon ta sliennooit Peddyr; t’eh goaill aaght ayns thie Simon yn tanner, rish oirr ny marrey: as tra hig eh, loayree eh rhyt.

Jannoo 10:4

As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.