Jannoo 10:14 - Yn Vible Casherick 1775 1819

¹⁴ Agh dooyrt Peddyr, Shen dy row foddey voym, Hiarn; son cha vel mish rieau er n’ee red erbee cadjin ny neu-ghlen.

Yn Conaant Noa 1810

¹⁴ Agh dooyrt Peddyr, Shen dy row foddey voym, Hiarn; son cha vel mish rieau er n’ee red erbee cadjin ny neu‐ghlen.

Jannoo 10:14 ပူးပေါင်းရင်းမြစ်များ

Genesis 19:18

As dooyrt Lot roo, Oh! ny lhig da ve myr shen, my hiarn.

Exodus 10:11

Cha nee shen myr vees eh: immee-jee nish shiuish ta nyn gheiney, as shirveish-jee yn Chiarn; son shen va nyn aghin. As v’ad er nyn eiyrt magh veih kionfenish Pharaoh.

Ezekiel 4:14

Eisht dooyrt mee, Ah Hiarn Yee, cur-my-ner, cha vel my annym er ve rieau neu-ghlen: son veih my aegid seose, eer derrey nish, cha vel mee er n’ee jeh shen t’er n’gheddyn baase jeh hene, ny raipit ayns peeshyn, chamoo haink feill vee-lowit stiagh my veeal.

Ezekiel 44:31

Cha jean ny saggyrtyn gee jeh red erbee ta geddyn baase jeh hene, ny raipit, lhig da ve eean ny baagh.

Daniel 1:8

Agh va Daniel kiarit ayns e chree, nagh jinnagh eh neu-ghlen jeh hene, lesh lhongey veih boayrd y ree, ny lesh y feeyn diu eh: shen-y-fa, ghuee eh er yn ard-eunuch, nagh beagh eh êginit dy leodaghey eh-hene.

Leviticus 20:25

Shen-y-fa ver shiu scarrey eddyr beiyn glen as neu-ghlen, as eddyr eeanlee glen as neu-ghlen: as cha jean shiu shiu-hene feohdagh liorish baagh ny eean, ny liorish keint erbee dy red bio ta snaue er y thalloo, shen ta mish er lhiettal veue myr neu-ghlen.

Noo Mian 15:11

Cha nee shen ta goll stiagh ayns y veeal ta jannoo dooinney neu-ghlen: agh ny ta cheet magh ass y veeal, shen ta jannoo neu-ghlen jeh.

Noo Mian 16:22

Eisht ghow Peddyr eh er-lheh, as ghow eh toshiaght dy choyrlaghey eh, gra, Foddey dy row eh voïd, Hiarn, lheid shoh dy haghyrt dhyt.

Noo Mian 25:9

Agh dreggyr y vooinjer chreeney, gra, Cha der; er-aggle nagh bee dy liooar ain dooin hene as diuish neesht: share diu roie hucsyn ta creck, as kionnaghey diu hene.

Noo Mian 8:2

As cur-my-ner haink lourane, as hug eh ooashley da, gra, Hiarn, my she dt’aigney eh, foddee oo mish y yannoo glen.

Noo Mark 7:2

As tra honnick ad paart jeh e ostyllyn gee arran lesh laueyn neu-ghlen (ta shen dy ghra gyn-niee) hooar ad foill.

Noo Luke 1:60

As dreggyr e voir, as dooyrt ee, Cha nee; agh bee eh enmyssit Ean.

Noo Ean 4:11

Dooyrt y ven rish, Vainshter, cha vel red erbee ayd dy hayrn lesh, as ta’n chibbyr dowin: cre voish eisht ta’n ushtey bio shen ayd?

Jannoo 10:13

As haink coraa huggey, Irree, Pheddyr; marr, as ee.

Jannoo 10:28

As dooyrt eh roo, ta fys eu dy nee red neu-lowal eh son dooinney ta ny Hew, dy reayll sheshaght rish, ny dy heet gys unnane erbee jeh ashoon elley: agh ta Jee er hoilshaghey dooys, nagh lhisin jeeaghyn er dooinney erbee dy ve cadjin ny neu-ghlen.

Jannoo 22:8

As dreggyr mish, Quoi oo, Hiarn? As dooyrt eh rhym, Mish Yeesey dy Nazareth t’ou jannoo tranlaase er.

Jannoo 9:5

As dooyrt eh, Quoi oo, Hiarn? As dooyrt y Chiarn, Mish Yeesey t’ou jannoo tranlaase er: S’doillee dhyt brebbal noi ny jilg.