Jannoo 1:7 - Yn Vible Casherick 1775 1819

⁷ As dooyrt eh roo, Cha vel eh bentyn diuish dy hoiggal ny earishyn, ny ny imbaghyn, ta’n Ayr er reayll ayns e phooar hene.

Yn Conaant Noa 1810

⁷ As dooyrt eh roo, Cha vel eh bentyn diuish dy hoiggal ny earishyn, ny ny imbaghyn, ta’n Ayr er reayll ayns e phooar hene.

Jannoo 1:7 ပူးပေါင်းရင်းမြစ်များ

Lioar Yob 24:1

Fakin nagh vel ny traaghyn keillit veih’n Ooilley-niartal, cre’n-fa nagh vel adsyn oc ta enney er cur geill da e laghyn?

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Noo Mian 20:23

As dooyrt eh roo, Iu-ee shiu dy jarroo jeh my chappan, as bee shiu er nyn mashtey lesh y bashtey ta mish dy ve bashtit lesh: agh dy hoie er my laue yesh, as er my laue hoshtal, cha vel shen lhiam’s dy choyrt, agh ny-lomarcan dauesyn er nyn son te kiarit liorish my Ayr.

Noo Mian 24:36

Agh er y laa as yn oor shen, cha vel fys ec dooinney erbee, cha vel ec ainleyn niau, agh ec my Ayr ny-lomarcan.

Noo Mark 10:40

Agh dy hoie er my laue yesh as er my laue chiare, cha vel shen lhiam’s dy choyrt, agh bee eh er ny choyrt ynrycan dauesyn er nyn son te kiarit.

Noo Mark 13:32

Agh jeh’n laa as yn oor shen, cha vel fys ec dooinney erbee, ny ec ny ainleyn t’ayns niau, ny ec y Mac, agh yn Ayr.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn:

Deuteronomy 29:29

Ta folliaghtyn bentyn gys y Chiarn nyn Yee; agh ta ny reddyn shen ta er ny hoilshaghey, bentyn dooinyn, as da nyn gloan son dy bragh, dy vod mayd ooilley goan y leigh shoh y chooilleeney.

1 Timothy 6:15

Shen nee eshyn ayns traa cooie y hoilshaghey, ta’n ynrycan Ard-reiltagh bannit, yn Ree dy reeaghyn, as Chiarn dy hiarnyn;

2 Timothy 3:1

Toig shoh myrgeddin, ayns ny laghyn jerrinagh dy jig traaghyn seaghnagh.