Jannoo 1:3 - Yn Vible Casherick 1775 1819

³ Dauesyn myrgeddin hoilshee eh eh-hene bio lurg e vaase, liorish ymmodee cowraghyn firrinagh, ayns dy row eh er ny akin lioroo da-eed laa, as dy loayr eh jeh reddyn va bentyn rish reeriaght Yee.

Yn Conaant Noa 1810

³ Dauesyn myrgeddin hoilshee eh eh‐hene bio lurg e vaase, liorish ymmodee cowraghyn firrinagh, ayns dy row eh er ny akin lioroo da‐eed laa, as dy loayr eh jeh reddyn va bentyn rish, reeriaght Yee.

Jannoo 1:3 ပူးပေါင်းရင်းမြစ်များ

1 Reeaghyn 19:8

As dirree eh, as ren eh gee as giu, as ren eh troailt er niart yn veaghey shen da-eed laa as da-eed oie, gys Horeb cronk Yee.

Noo Mian 21:43

Shen-y-fa ta mish gra riu, Dy bee reeriaght Yee er ny ghoaill veueish, as er ny choyrt da ashoon ymmyrkys magh yn mess echey.

Noo Mian 28:9

As myr v’ad goll dy insh eh da e ostyllyn, cur-my-ner haink Yeesey nyn guail, gra, Dy vannee diu. As haink ad, as huitt ad sheese ec e chassyn, lesh nyn laueyn orroo, cur ooashley da.

Noo Mian 3:2

As gra, Gow-jee arrys: son ta reeriaght Yee er-gerrey.

Noo Mian 4:2

As tra v’eh er drostey da-eed laa as da-eed oie v’eh ny lurg shen accryssagh.

Noo Mark 16:19

Myr shen erreish da’n Chiarn v’er loayrt roo, v’eh er ny ghoaill seose gys niau, as hoie eh er laue yesh Yee.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Noo Ean 21:1

Lurg shoh hoilshee Yeesey eh-hene reesht da ny ostyllyn, ec faarkey Tiberias; as er yn aght shoh hoilshee eh eh-hene.

Noo Ean 21:14

Shoh nish yn trass cheayrt hoilshee Yeesey eh-hene da e ostyllyn, erreish da v’er n’irree veih ny merriu.

Jannoo 13:31

As v’eh er ny akin ymmodee laghyn lioroosyn haink seose mârish veih Galilee gys Jerusalem, va ny feanishyn echey da’n pobble.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.

Jannoo 8:12

Agh tra v’ad er chredjal Philip, preacheil ny reddyn va bentyn rish reeriaght Yee, as ennym Yeesey Creest, v’ad er nyn mashtey chammah deiney as mraane.

Romanee 14:17

Son cha nee bee ny jough reeriaght Yee, agh cairys, as shee, as boggey ayns y Spyrryd Noo.

Deuteronomy 9:18

As huitt mee sheese kiongoyrt rish y Chiarn, myr ren mee roïe, rish da-eed laa as da-eed oie; cha d’ee mee arran ny cha diu mee ushtey, kyndagh rish ooilley ny peccaghyn ren shiuish dy mee-arrymagh ayns shilley yn Chiarn, dy vrasnaghey e chorree.

Deuteronomy 9:9

Tra va mee er n’gholl seose er y chronk, dy gheddyn ny buird chloaie, eer buird y chonaant, ren y Chiarn riu, chum mee ’sy chronk da-eed laa as da-eed oie, cha d’ee mee arran, ny cha diu mee ushtey:

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

1 Ean 1:1

Shen ny va er-dyn toshiaght, ny ta shin er chlashtyn, ny ta shin er vakin lesh nyn sooillyn, ny ta shin er yeeaghyn er, as nyn laueyn er loaghtey jeh goo yn vea;