Jannoo 1:17 - Yn Vible Casherick 1775 1819

¹⁷ Son v’eh er ny earroo mârin, as er ghoaill ayrn jeh’n chirveish shoh.

Yn Conaant Noa 1810

¹⁷ Son v’eh er ny earroo mârin, as er ghoaill ayrn jeh’n chirveish shoh.

Jannoo 1:17 ပူးပေါင်းရင်းမြစ်များ

Noo Mian 10:4

Simon yn Canaanite, as Yuaase Iscariot, ren myrgeddin eh y vrah.

Noo Mark 3:19

As Yuaase Iscariot, ren myrgeddin eh y vrah: as hie ad stiagh ayns thie.

Noo Luke 22:47

As choud as v’eh foast loayrt, cur-my-ner, haink sheshaght vooar, as eshyn va enmyssit Yuaase, fer jeh’n daa ostyl yeig, nyn leeideilagh, as hayrn eh er-gerrey da Yeesey dy chur paag da.

Noo Luke 6:16

As Judas braar Yamys, as Yuaase Iscariot, va myrgeddin yn traitoor.

Noo Ean 17:12

Choud as va mee mâroo ayns y theihll, dreill mee ad ayns dty ennym’s: adsyn hug oo dou dreill mee, as cha vel unnane oc caillit, mannagh vel mac y toyrt-mow: dy voddagh yn scriptyr ve cooilleenit.

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

Jannoo 12:25

As haink Barnabas as Saul back veih Jerusalem, tra v’ad er chooilleeney yn chirveish oc, as hug ad lhieu mâroo Ean va sliennooit Mark.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 21:19

As tra v’eh er vannaghey daue, hoilshee eh daue ayns coorse ny reddyn va Jee er n’obbraghey mastey ny Ashoonee liorish y chirveish echeysyn.

2 Corinthianee 4:1

Fakin er-y-fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 5:18

As ta dy chooilley nhee veih Jee, ta er choardail shinyn rish hene liorish Yeesey Creest, as ta er livrey dooin shirveish y choardail;